Të qenit i sjellshëm me asistentin tuaj të AI mund të kushtojë miliona dollarë.
Kështu së paku pretendon shefi ekzekutiv i OpenAI, Sam Altman.
Ai zbuloi se shfaqja e sjelljeve të mira ndaj një modeli ChatGPT – të tilla si të thuash “ju lutem” dhe “faleminderit” – shton deri në miliona dollarë në shpenzime operacionale.
Mundesh me e lexu edhe…
Altman iu përgjigj një përdoruesi në X (ish-Twitter) i cili pyeti se sa ka humbur kompania në kostot e energjisë elektrike nga njerëzit që janë “të sjellshëm” me modelet e tyre.
“Dhjetëra miliona dollarë të shpenzuara – kushedi”, ka shkruar Altman, përcjell Telegrafi.
Duke gjykuar nga toni i Altman-it, kjo shifër “dhjetëra milionësh” ka të ngjarë të mos jetë një numër i saktë.
Por çdo mesazh për ChatGPT, pavarësisht se sa i parëndësishëm apo i pakuptimtë, kërkon që AI të inicojë një përgjigje të plotë në kohë reale, duke u mbështetur në sistemet kompjuterike me fuqi të lartë dhe duke rritur ngarkesën llogaritëse – duke përdorur kështu sasi masive të energjisë elektrike.
Dhe modelet e AI mbështeten shumë në energjinë e ruajtur në qendrat globale të të dhënave – e cila tashmë përbën rreth 2% të konsumit global të energjisë elektrike.
Sipas Goldman Sachs, çdo pyetje ChatGPT-4 përdor rreth 10 herë më shumë energji elektrike sesa një kërkim standard në Google.
Madje të dhënat nga Washington Post sugjerojnë se nëse 1 në çdo 10 amerikanë që punojnë përdor GPT-4 një herë në javë për një vit (që do të thotë 52 pyetje nga 17 milionë njerëz), energjia e nevojshme do të ishte e krahasueshme me energjinë elektrike të konsumuar nga çdo familje në Uashington, DC – për 20 ditë.
Rene Hass, CEO i kompanisë ARM Holdings (ARM), kohët e fundit paralajmëroi se AI mund të përbëjë një të katërtën e konsumit total të energjisë në Amerikë deri në vitin 2030. Kjo shifër aktualisht është 4%.
Andaj, “përgjigjet e sjellshme” shtojnë gjithashtu faturën e ujit të OpenAI. AI përdor ujë për të ftohur serverët që gjenerojnë të dhënat.
Një studim nga Universiteti i Kalifornisë, Riverside, tha se përdorimi i GPT-4 për të gjeneruar 100 fjalë konsumon deri në tre shishe ujë. /Katror.info
Përgatiti:
