Instituti ATOMI për herë të nëntë e ka organizuar Garën Ndërkombëtare të Matematikës Kangaroo në Kosovë, e cila është mbajtur më 22 mars 2025, me autorizimin e “Asociacionit Kangourou Sans Frontières (AKSF)”.
Gara Kangaroo është gara më e popullarizuar në botë për fushën e matematikës, e cila organizohet në mbi 70 vende të botës dhe çdo vit marrin pjesë mbi 6 milionë nxënës nga mbarë bota.
Në Garën Kangaroo në Kosovë këtë vit kanë marrë pjesë mbi 2 mijë nxënës të të gjitha niveleve të arsimit parauniversitar nga mbarë Kosova dhe Instituti ATOMI e ka shfrytëzuar këtë garë për të identifikuar talentet e rinj në fushën e matematikës në Kosovë, në mënyrë që të ofrojë aktivitete dhe shërbime të ndryshme përkrahëse për këto talente, posaçërisht kurse të avancuara të matematikës, në funksion të zhvillimit dhe avancimit maksimal të talentit, njohurisë dhe kompetencës së tyre në fushën e matematikës.
Mundesh me e lexu edhe…
Në funksion të kësaj, Instituti ATOMI ka përzgjedhur 60 nxënësit më të suksesshëm të Garës Kangaroo 2025 në Kosovë, të cilët janë certifikuar në një ceremoni solemne.
Në këtë ceremoni janë ndarë certifikatat e suksesit për 60 nxënësit më të suksesshëm të kësaj gare për këtë vit, si dhe janë ndarë edhe medaljet dhe shpërblimet me libra për më të suksesshmit e Garës Kangaroo 2025 për secilën kategori dhe për më të suksesshmit në nivel vendi, si vijon:
– Fitues i Vendit të Parë për Kategorinë 1 – që përfshinë klasën I dhe II – në Garën Kangaroo 2025 në Kosovë është AKSAL SHABANI
– Fituese e Vendit të Parë për Kategorinë 2 – që përfshinë klasën III dhe IV – në Garën Kangaroo 2025 në Kosovë është JORA MALIQI
Fituese e Vendit të Parë për Kategorinë 3 – që përfshinë klasën V dhe VI – në Garën Kangaroo 2025 në Kosovë është ANISA BERISHA
– Fituese e Vendit të Parë për Kategorinë 4 – që përfshinë klasën VII dhe VIII – në Garën Kangaroo 2025 në Kosovë është EARTA KOSUMI
– Fitues i Vendit të Parë për Kategorinë 5 – që përfshinë klasën IX dhe X – në Garën Kangaroo 2025 në Kosovë është LYRON CELINA
-Fitues i Vendit të Parë për Kategorinë 6 – që përfshinë klasën XI dhe XII – në Garën Kangaroo 2025 në Kosovë është HARIS SHAQIRI
Fituesit e tri vendeve të para në nivel vendi për të gjitha kategoritë e Garës Kangaroo 2025 në Kosovë:
– Fitues i Vendit të Tretë në nivel vendi në të gjitha kategoritë në Garën Kangaroo 2025 në Kosovë është MUHAMED KURTESHI
– Fituese e Vendit të Dytë në nivel vendi në të gjitha kategoritë në Garën Kangaroo 2025 në Kosovë është ANISA BERISHA
– Fituese e Vendit të Parë në nivel vendi në të gjitha kategoritë në Garën Kangaroo 2025 në Kosovë është JORA MALIQI, e cila është shpërblyer edhe me një laptop dhuratë nga Instituti ATOMI dhe Gara Kangaroo. /Telegrafi /Katror.info
Përgatiti:
