Këngëtarja kanadeze Céline Dion ka publikuar versionin e saj të mirënjohur të himnit të dashurisë ‘Hymne à l’amour’ nga ikona e këngës franceze Édith Piaf në platformat e transmetimit.
Për ta bërë këtë, ajo zgjodhi një datë të rëndësishme – përvjetorin e vdekjes së Piaf. Këngëtarja franceze vdiq më 10 tetor 1963 në moshën 48-vjeçare.
Aline Cunio
Céline Dion e mbylli ceremoninë e hapjes së Lojërave Olimpike në korrik me një paraqitje spektakolare në Kullën Eifel në Paris. Interpretimi i saj i himnit à l’amour përloti publikun. Ishte gjithashtu një nderim për Piaf.
Sëmundje neurologjike
Performanca e Dionit në Paris ishte performanca e saj e parë live, që kur u zbulua sëmundja e saj e rëndë neurologjike. Ylli botëror njoftoi në vitin 2022 se vuante nga e ashtuquajtura sindroma e personit të ngurtë.
Sëmundja mund të çojë në spazma të muskujve kudo në trup, duke shkaktuar ngrirjen e duarve ose këmbëve. Ajo ka probleme me ecjen dhe këndimin. Në atë kohë, këngëtarja anuloi të gjitha datat në turneun e saj “Courage World Tour” në Evropë. Për një kohë të gjatë ishte e diskutueshme nëse ajo do të ishte në gjendje të performonte përsëri.
Më pas Dioni qëndroi në katin e parë të Kullës Eifel me një fustan të bardhë në argjend dhe vezullues. Ajo këndoi me shumë zjarr himnin ikonik të Piaf për dashurinë, e shoqëruar nga një pianiste.
“Jam e nderuar që kam performuar në ceremoninë e hapjes së Parisit 2024 sonte,” shkroi Dion më pas në Platformën X, “dhe jam e mbushur me gëzim që jam kthyer në një nga qytetet e mia të preferuara”.
Pesë herë fituesja e Grammy, e cila u bë një yll global në vitet 1990 dhe vendosi rekorde të shumta me këngën me temë të Titanikut ‘My Heart Will Go on’ , foli për jetën e saj me sëmundjen e rrallë autoimune në një intervistë televizive në qershor./Katror.info
Përgatiti:
