Dëshironi të parashikoni emrat më të popullarizuar për foshnjat në vitin 2024? Mjafton të hidhni një sy në listën e vitit 2023 (ose 2022, apo edhe 2021).
Ju mund të njihni shumicën e 20 emrave më të përdorur për foshnjat në vitin 2024, pothuajse të gjithë kanë qenë në listat e mëparshme, shkruan CNN, transmeton Katror.info.
Liam dhe Olivia ishin emrat më të popullarizuar në vitin 2024, një pozitë që të dy këta emra e mbajnë që nga viti 2019, sipas Administratës së Sigurimeve Shoqërore të SHBA-së (SSA), e cila publikon çdo vit listat me emrat më të përdorur.
Që nga viti 2019, dhjetëshja e parë si për djemtë ashtu edhe për vajzat ka qenë mjaft e qëndrueshme — Noah renditet rregullisht i dyti për djem, dhe Emma zakonisht është në top tre për vajza. Renditja ndryshon pak nga viti në vit, por në listën e vitit 2024 nuk u shtua asnjë emër i ri për djemtë. (Shtesa e fundit në këtë listë, Mateo, ra nga vendi i gjashtë në të shtatin këtë vit.)
Ndërkohë, Sofia zëvendësoi Lunën si emri i dhjetë më i popullarizuar për vajza në vitin 2024. (Një variant tjetër i këtij emri, Sophia, u rendit në vendin e gjashtë.)
Administrata ndau gjithashtu edhe emrat më pak të zakonshëm, por që u rritën më shumë në popullaritet gjatë vitit 2024. Këtë vit, ndër emrat për djemtë që u ngjitën më shumë janë Truce, Halo dhe Azaiah, ndërsa për vajzat janë Ailany, Scottie dhe Analeia.
Ailany, që sipas SSA-së do të thotë “udhëheqëse” ose “shefe,” pati një ngritje të madhe në popullaritet që nga viti 2023, kur u rendit për herë të parë në mesin e 1,000 emrave më të përdorur në 2023 ishte në vendin e 805-të, ndërsa në vitin 2024 u ngjit në vendin e 101-të. Truce, nga ana tjetër, nuk ishte fare në listën e 1,000 emrave deri në vitin 2024.
Shikoni më poshtë 20 emrat më të përdorur për foshnjat në vitin 2024. SSA ka renditur gjithashtu edhe 980 emrat e tjerë.
Top 10 emrat më të përdorur për vajza në vitin 2024:
- Olivia
- Emma
- Amelia
- Charlotte
- Mia
- Sophia
- Isabella
- Evelyn
- Ava
- Sofia
Top 10 emrat më të përdorur për djem në vitin 2024:
- Liam
- Noah
- Oliver
- Theodore
- James
- Henry
- Mateo
- Elijah
- Lucas
- William. /Katror.info
Përgatiti:
