Kosova nis javën me mot të kthjellët dhe temperatura të larta për këtë periudhë të vitit. Sipas Institutit Hidrometeorologjik të Kosovës, dita e sotme do të karakterizohet me diell dhe vranësira të lehta.
Temperaturat minimale pritet të jenë mes 10 dhe 12 gradë Celsius, ndërsa ato maksimale do të arrijnë nga 26 deri në 29 gradë.
Era do të fryjë nga verilindja me shpejtësi të lehtë, rreth 1 deri në 5 metra për sekondë.
Gjatë javës parashihen kushte të ngjashme, ndërsa në disa ditë si e marta, e mërkura dhe e premtja mund të ketë rrebeshe të izoluara me intensitet të ulët.
Instituti thekson se indeksi UV do të jetë i lartë pothuajse gjatë gjithë javës, ndaj qytetarëve u rekomandohet të ndjekin këshillat mbrojtëse të Institutit Kombëtar të Shëndetit Publik./Katror.info
