Pas publikimit të Raportit të Komisionit Evropian për Kosovën 2025, ka reaguar edhe Agjencia për Informim dhe Privatësi, duke e vlerësuar pozitiv raportin.
Raporti i Komisionit Evropian për Kosovën për vitin 2025, sipas drejtoreshës së AIP-së, vlerëson se korniza ligjore për mbrojtjen e të dhënave personale në vend është kryesisht e harmonizuar me standardet e Bashkimit Evropian.
Sipas raportit, legjislacioni kosovar është përafruar me Rregulloren e Përgjithshme për Mbrojtjen e të Dhënave (GDPR), ndërsa është themeluar edhe një grup punues për të avancuar harmonizimin me Direktivën e BE-së për Zbatimin e Ligjit.
Mundesh me e lexu edhe...
Në raport theksohet se Agjencia për Informim dhe Privatësi ka përmirësuar ndjeshëm performancën e saj gjatë vitit të fundit, përfshirë lansimin e një platforme digjitale që shërben si mekanizëm mbikëqyrës për mbrojtjen e të dhënave personale.
“Agjencia ka vazhduar gjithashtu të trajtojë ankesat e qytetarëve në mënyrë të pavarur dhe efikase, çka është vlerësuar pozitivisht nga Komisioni Evropian”.
Megjithatë, raporti nënvizon se kapacitetet institucionale të Agjencisë mbeten të kufizuara, duke kërkuar forcim të mëtejshëm të resurseve njerëzore dhe teknike për të siguruar mbikëqyrje më të plotë dhe efektive në këtë fushë./RTK/Katror.info
