Kosova vazhdon të ruajë një stabilitet të qëndrueshëm demografik, i karakterizuar nga një raport pozitiv mes lindjeve dhe vdekjeve. Sipas të dhënave të vitit 2024, gjatë vitit 2024 janë regjistruar gjithsej 31 mijë e 717 lindje. 21 mijë e 487 lindje kanë ndodhur brenda territorit të Kosovës, ndërsa 10 mijë e 230 lindje janë regjistruar jashtë vendit.
Numri më të madh të lindjeve i përket grupmoshës 25-34 vjeç, me grupmoshën 25-29 vjeç që përbën 32.3 për qind të lindjeve, dhe grupmoshën 30-34 vjeç që mbulon 30.6 për qind.
Sipas raportit të lindjeve për vitin 2024, nënat e moshës 20-24 vjeç kontribuuan me 16 për qind, kurse grupmoshat tjera përbëjnë pjesën e mbetur prej 21.1 për qind. Mosha mesatare e një gruaje që ka lindur në vitin 2024 në Kosovë është 29 vjeç.
Mundesh me e lexu edhe…
Prishtina është komuna ku kanë ndodhur më së shumti lindje – 10 mijë e 746 raste, ose 33.9 për qind e të gjitha lindjeve që kanë ndodhur në Kosovë.
Prizreni mban vendin e dytë me 2 mijë e 400 lindje apo 7.6 për qind, pasuar nga Mitrovica me 1 mijë e 623 raste apo 5.1 për qind dhe Ferizaj me 1 mijë e 530 lindje apo 4.8 për qubd.
Emri më i përdorur për vajza ishte Dua, me 384 raste, ndërsa për djem dominoi emri Troi, me 291 raste, duke shpërfaqur tendenca ‘moderne’ në përzgjedhjen e emrave.
Vdekjet
Në të njëjtin vit, janë regjistruar gjithsej 11 mijë e 810 vdekje, nga të cilat 10 mijë e137 ndodhën brenda Kosovës, ndërsa 1 mijë e 673 raste janë raportuar nga diaspora.
Nga vdekjet e ndodhura brenda vendit, burrat përbënin shumicën me 5 mijë e 320 raste apo 52.5 për qind, ndërsa gratë 4 mijë e 817 raste apo 47.5 për qind. Mosha mesatare e personave të vdekur ishte 72 vjeç – për burrat 70 vjeç, ndërsa për gratë 74 vjeç.
Komuna me numrin më të lartë të vdekjeve ishte Prishtina, me 2 mijë e 795 raste apo 23.7 për qind , e ndjekur nga Prizreni me 1,032 raste apo 8.7 për qind dhe Peja me 712 raste (6.0 për qind).
Ndërkohë, në mesin e statistikave shqetësuese, vdekjet e foshnjave gjatë vitit 2024 janë raportuar në 126 raste (1.2 për qinde të gjitha vdekjeve), me 70 meshkuj (55.6 për qind) dhe 56 femra (44.4 për qind)./Nacionale/Katror.info.
