Egjipti ka hapur zyrtarisht Grand Egyptian Museum (GEM), i cili synohet të bëhet një pikë referimi kulturore e kohës moderne.
Muzeu, i përshkruar si muzeu më i madh arkeologjik në botë, përmban rreth 100 mijë artefakte që mbulojnë shtatë mijëvjeçarë të historisë egjiptiane, nga periudha para-dinastike, deri te epoka greke dhe romake.
Një nga atraksionet kryesore është ekspozita e plotë e varrit të mbretit të ri Tutankhamun, që tregohet për herë të parë në tërësinë e saj që nga zbulimi nga egjiptologi britanik Howard Carter.
Mundesh me e lexu edhe...
Vizitorët mund të shohin maskën e artë, fronin dhe karrocat spektakolare të Tutankhamunit, të gjitha në një vend, pa asnjë pjesë të lënë në muze të tjerë apo në magazina.
Dr. Tarek Tawfik, president i Shoqatës Ndërkombëtare të Egjiptologëve dhe ish-drejtues i GEM, tha: “Ideja ishte të ekspozohej varri në tërësi, asgjë nuk mbetet në magazinë, asgjë në muze të tjerë, dhe vizitori të përjetojë eksperiencën e plotë, ashtu siç e kishte Carter më shumë se një shekull më parë”.
Muzeu ka kushtuar rreth 1.2 miliard dollarë dhe pritet të tërheqë deri në 8 milion vizitorë në vit, duke dhënë një shtysë të madhe turizmit egjiptian, i cili është goditur nga krizave rajonale.
Përveç ekspozitës së Tutankhamunit, vizitorët mund të shohin edhe anijen funerale 4 mijë e 500-vjeçare të Khufu-së, një nga anijet më të vjetra dhe më të ruajtura nga antikiteti. Shumica e galerisë janë hapur për publikun që nga viti i kaluar, por hapja e plotë e koleksionit të Tutankhamunit pritet të bëjë muzeun një destinacion ikonë për turistët nga e gjithë bota.
Egjiptologu Ahmed Seddik tha: “Shpresojmë që GEM të sjellë një epokë të re të artë për egjiptologjinë dhe turizmin kulturor”.
Turistë nga e gjithë bota, përfshirë Spanjën dhe Londrën, e konsiderojnë vizitën një mundësi të pakrahasueshme në jetë, duke pritur hapjen e plotë më 4 nëntor./AP/Katror.info
