Studimet shkencore kanë konfirmuar se përqafimi është kurë e shkëlqyer kundër vetmisë, depresionit, ankthit dhe stresit. Përqafimi i ngrohtë dhe miqësor që afron dy njerëz bashkë sjell shumë të mira për mirëqenien fizike dhe atë mendore të njeriut.
Shkencëtarët e Universitetit të Pensilvanisë “Carnegie Mellon” analizuan të dhënat e 404 burrave dhe grave. Këta të fundit dokumentuan luhatjet e humorit në një hark kohor prej 14 ditësh.
Sipas studiuesve, njerëzit që përqafoheshin një herë të vetme në një ditë të kaluar me konflikte, ishin në gjendje më të mirë shpirtërore se ata të cilët nuk i zgjidhin konfliktet me një përqafim.
Mundesh me e lexu edhe…
Virxhinia Satir, një nga terapistet më të njohura në botë e ka theksuar rëndësinë e përqafimit në citatin e mëposhtëm. Sipas saj: “Njeriu ka nevojë për 4 përqafime në ditë për mbijetesë, 8 përqafime në ditë për të qenë në formë dhe 12 përqafime në ditë për t’u rritur”.
Këto gjetje janë domethënëse. Dhe nuk ka aspak lidhje me aspektin femër – mashkull, por shtrihet thjesht mbi kontaktin fizik mes qenieve njerëzore. Sipas tyre ndikimi i përqafimit mes dy njerëzve është i shtrirë në kohë dhe zgjat më shumë seç imagjinohej.
Përqafimi e nxit njeriun të mendojë dhe të besojë se mbështetja, përkujdesja dhe dashamirësia janë aty përtej konfliktit.
Njeriu ka nevojë për 8 përqafime në ditë
Përqafimi ofron ndjesinë e besimit dhe sigurisë duke i çelur kështu rrugën një komunikimi më të sinqertë. Përqafimi rrit menjëherë nivelet e oksitocinës. Ky hormon largon ndjesinë e vetmisë, zemërimit dhe izolimit.
Përqafimi i gjatë rrit gjithashtu nivelet e serotoninës duke përmirësuar humorin e njerëzve të përqafuar dhe duke i bërë ata më të lumtur.
Përqafimi forcon sistemin imunitar
Gjatë përqafimit, ngarkesa e shkarkuar emocionale rregullon prodhimin e rruazave të bardha të gjakut. Ato janë shumë të rëndësishme sepse luftojnë sëmundjet.
Përqafimi ka aftësinë të rrisë vetëbesimin tek njeriu. Psikologët thonë se ledhatimet dhe përqafimet që njeriu merr në fëmijëri nga prindërit e tij lënë gjurmë në sistemin nervor edhe kur njeriu rritet, shkruan AgroWeb.org. Përqafimi qetëson muskujt, përmirëson qarkullimin, ekuilibron sistemin nervor dhe largon dhimbjet./Katror.info
