Përditësimi i iOS 19 i Apple mund të përfshijë një veçori të fuqizuar me AI të krijuar për të kursyer baterinë, sipas një raporti nga Bloomberg. Mjeti i menaxhimit të baterisë thuhet se do të optimizojë konsumin e energjisë së iPhone tuaj bazuar në mënyrën se si e përdorni pajisjen. Bëhet e ditur se funksioni i ri do të përdorë “të dhënat e baterisë për të kuptuar tendencat dhe për të bërë parashikime se kur duhet të ulë fuqinë e përdorimit të aplikacioneve ose veçorive të caktuara”.
Apple thuhet se po planifikon të prezantojë një veçori të vogël por të mirëpritur për iOS 19: sinkronizimin midis pajisjeve për pikat e qasjes Wi-Fi. Kjo sugjerohet nga analisti Mark Gurman, i cili thotë se veçoria e lartpërmendur do të zgjidhte problemin e plotësimit individual të formularëve që shfaqen për të qasur Wi-Fi publik në të gjitha pajisjet tuaja, si kur jeni në një hotel ose në një vend tjetër publik me qasje Wi-Fi. “Kjo veçori e re do t’ju lejojë të futni atë informacion në një pajisje dhe ta sinkronizoni atë me produkte të tjera”, thotë Gurman,
Është një nga disa veçori të ardhshme që Apple mund të zbulojë në konferencën e zhvilluesve, e planifikuar për qershor të këtij viti. Eventi pritet të sjellë disa ndryshime të mëdha në dizajnin e sistemeve operative të kompanisë, të cilat duhet të lejojnë një pamje dhe ndjesi më të qëndrueshme për softuerin e produkteve të saj. Gurman raporton gjithashtu se AirPods mund të kenë një funksion përkthimi të drejtpërdrejtë, së bashku me një aplikacion të ridizajnuar Health.
Mundesh me e lexu edhe…
Apple ka njoftuar një sërë funksionesh të reja që do të jenë pjesë e përditësimit të ardhshëm të iOS, duke synuar mbështetjen e përdoruesve me vështirësi në shikim, dëgjim dhe aftësi të tjera të kufizuara. Të shpallura në prag të Ditës Globale të Ndërgjegjësimit për Aksesueshmëri më 15 maj, këto risi përfshijnë përmirësime në përdorimin e brajlit dhe jo vetëm. Kompania prezantoi gjithashtu “etiketat e aksesueshmërisë” për aplikacionet në App Store, duke u kërkuar zhvilluesve të tregojnë funksionet që i bëjnë aplikacionet më të aksesueshme për të gjithë. /Katror.info
Përgatiti:
