Sekretari i Përgjithshëm i NATO-s, Mark Rutte, ka deklaruar se Ministrat e Mbrojtjes të NATO-s po takohen në Bruksel për të përgatitur Samitin në Hagë, dhe gjithashtu për të marrë vendime kyçe për të përmirësuar mbrojtjen.
Në një konferencë para nisjes së samitit, ai theksoi se do të trajtojnë mbështetjen e vazhdueshme për Ukrainën dhe nevojën urgjente për paqe.
“Bota po bëhet gjithnjë e më e rrezikshme. Ekziston lufta brutale e Rusisë kundër Ukrainës. Kërcënimi i terrorizmit dhe konkurrenca e fortë globale. Ne do të vazhdojmë të mbrojmë njerëzit tanë dhe mënyrën tonë të jetesës”.
Mundesh me e lexu edhe…
Ai shtoi se NATO-n duhet bërë një aleancë më të fortë, më të drejtë dhe më të frikshme.
“Në këtë samit, ne do të bëjmë një hap të madh përpara. Ne do të forcojmë mbrojtjen tonë duke rënë dakord për objektiva të reja ambicioze. Këto objektiva përcaktojnë se cilat forca dhe aftësi konkrete duhet të ofrojnë aleatët për të forcuar mbrojtjen tonë” ka thënë ai.
“Mbrojtja ajrore dhe raketore, armët me rreze të gjatë veprimi, logjistika, formacionet e mëdha të manovrave tokësore janë ndër prioritetet tona kryesore. Na duhen më shumë burime në mënyrë që të jemi të përgatitur për t’u përballur me çdo kërcënim dhe për të zbatuar plotësisht planet tona të mbrojtjes kolektive”, pohoi Rutte.
Rutte tha se për të përmbushur objektivat e reja, është e qartë se do t’u duhen shpenzime shumë më të larta për mbrojtjen. /Katror.info
Përgatiti:
