Një shkencëtar novator i klimës dhe një pionier i energjisë diellore janë shpallur fitues të një çmimi global që vlerëson zgjidhjet praktike ndaj krizës mjedisore.
Profesori Robert Jackson nga Universiteti Stanford në SHBA u nderua për punën e tij thelbësore në theksimin e rolit të metanit, një gaz serrë shumë më i fuqishëm se CO₂, në ngrohjen globale.
Gjatë fjalës së tij në Çmimin Blue Planet, mbajtur në Tokio të Japonisë, ai theksoi: “Ulja e emetimeve të metanit do të kishte një ndikim më të menjëhershëm në klimë sesa reduktimi i CO₂.”
Mundesh me e lexu edhe…
Çmimin e ndau me Dr. Jeremy Leggett nga Mbretëria e Bashkuar, i cili dikur punonte në industrinë e naftës, por e la atë për të themeluar Solarcentury, një kompani që përhapi përdorimin e energjisë diellore.
Ai është gjithashtu themelues i Highland Rewilding, një iniciativë që synon të ndërtojë banesa me karbon të ulët dhe me kosto të përballueshme, duke përdorur dru nga pyje të rigjeneruara.
Gjatë ceremonisë, Leggett tha:
“Nuk mund të presim të komunikojmë me njerëzit që përballen me pabarazinë ekstreme duke përdorur gjuhën e katastrofës mjedisore.”
Ai shtoi se argumenti për veprim duhet të bazohet në përfitime konkrete për qytetarët – si fatura më të ulëta energjie, banesa më të përballueshme dhe vende të reja pune.
“Nëse ndërtojmë ekonomi të bazuara në natyrë, heqja dorë nga karburantet fosile do të ndodhë natyrshëm,” – përfundoi ai./Katror.info
