Shpaloset programi i plotë i “Kosovo Theatre Showcase 2022”

Edicioni i 5-të i Kosovo Theatre Showcase fillon më 25 tetor dhe do të përfundojë pas pesë ditësh.

Në këtë edicion do të jenë mbi 10 shfaqje teatrale, derisa janë të planifikuara edhe evente të tjera sikurse panele të diskutimit.

“Jemi të lumtur të ndajmë me ju programin përfundimtar të Kosovo Theatre Showcase 2022.
Këtë edicion, përpara mbi 60 mysafirëve nga e gjithë bota, jemi krenarë të prezantojmë disa nga shfaqjet më të mira të prodhuara në Kosovë këtë vit. Përpos programit të shfaqjeve, kemi organizuar një program të pasur të ngjarjeve rrjetëzuese si panele, punëtori, performanca, marketin ndërkombëtar të teatrit e mbrëmje muzikore! Të gjitha ngjarjet janë të hapura për publik. Shfletoni programin më poshtë, për më shumë detaje! Ju mirëpresim!”, thuhet në njotifimin e Qendrës Multimedia.