Për shumicën nga ne e diela është ditë pushimi, një shans më shumë për t’u relaksuar e çlodhur, për të kaluar kohë me miqtë dhe familjarët dhe të qenit larg nga puna, shkruan Carl Pullein për LifeHack. Megjithatë për ca njerëz e diela mund të jetë e zymtë, vetëm mendimi se do të duhet ta fillosh javën të nesërmen, të kthehesh në punë, në ngutjen e përditshme krijon një re të errët mbi një ditë që duhej të ishte ditë gëzimi.
Megjithëse, me qasjen e duhur e diela mund të shndërrohet në ditë përtërirje, ditë ku ne mbushim bateritë dhe bëhemi gati për një javë fantastike. Mëposhtë po radhisim disa gjëra që mund t’i bëni të dielen, për të pasur një ditë sa më produktive:
- Zgjohuni si zakonisht
Shumica mendojnë se e diela është ditë për ta zëvëndësuar gjumin e humbur gjatë javës, por problemi është që duke fjetur shumë të dielave në mëngjes mund ta keni më të vështirë që të flini gjatë natës dhe kjo bën që të nisë cikli “i borxhit të gjumit” që po provoni ta shmangni. Ndërsa të zgjuarit si zakonisht ndihmon në mbajtjen e modeleve të njëjta të gjumit që ndihmon ta keni orarin e gjumit të qëndrueshëm edhe gjatë javës.
Mundesh me e lexu edhe…
- Niseni ditën me “koha kushtuar vetes”
Koha që e shfrytëzon për vete, duke bërë gjërat që do pa pasur drojën se do të ndërpritesh, si p.sh të lexosh, të ecësh, të meditosh, të ushtrosh. Para se telefonat e mençur të ishin kaq të përdorshëm si sot, njerëzit në Mbretërinë e Bashkuar për shembull, të dielave në mëngjes zgjoheshin më herët dhe ecnin deri te kioska për të blerë gazetat e së dielës të cilat kishin lajme mbi: librat, stilin e jetës, kopshtarinë dhe modën.
- Advertisement -
- Ushtro
Kjo nuk do të thotë të bësh 10 km vrapim apo të shpenzosh orë të tëra në palestër, thjesht ta mbash trupin në lëvizje. Mënyra e sotme e të jetuarit na ka kufizuar shumë lëvizjen e natyrshme, dhe kjo po bëhet edhe më e pranishme në jetën e atyre që punojnë nga shtëpia. Ecja deri te stacioni i autobusit apo trenit për punëtorët remote më nuk është opsion. Ata thjeshtë zgjohen, zgjedhin një kënd të shtëpisë dhe e nisin punën. Ndërsa e diela ta jep atë mundësi dhe ti duhet ta shfrytëzosh. Dil jashtë në natyrë një orë a dy. Kjo mundësi është një nga më të mirat për ta reduktuar stresin, për të bërë pak aktivitet fizik dhe për t’u bërë gati mendërisht për një javë të mirë.
- Planifikoje ditën tënde
Të mos pasurit e një plani ditor do te të lë në mëshirën e ngjarjeve të jashtme. Në vend të kësaj vendosni mbrëmjen e së shtunës se çka do të bëni të nesërmen. Zgjohuni si zakonisht, pijeni pijen tuaj të preferuar të mëngjesit dhe nise ditën. Të mos pasurit plan për ditën mund të rezultojë në zgjimin e vonshëm atë ditë, vështirëson gjumin ditën tjetër dhe disi ua çon dëm ditën që do të mund ta shfrytëzonit. Planifikimi nuk ka nevojë të jetë shumë i detajuar por diçka e tillë si:
- Advertisement -
Zgjohem dhe bëj një kafe
Dëgjoj muzikë
Shijoj kafen
Ecje një orë
Lexoj një orë ose dy
- Përcjellni ndonjë ndjeshje sportive
Kjo është mënyrë shumë e mirë për të mos e lënë veten për të menduar për punën dhe problemet e punës. Zgjedhni sportin që ju pëlqen më së shumti dhe jepni trurit tuaj relaksimin e shumë nevojshëm dhe të jep një shkëputje të mrekullueshme nga çdo ditë tjetër normale.
- Advertisement -
- Pastroni
Shumica e njerëzve nuk pëlqejnë të bërit punë të shtëpisë, por të pasurit e një shtëpie të rregulluar dhe të pastër bën mrekulli për mirëqenien psiqike. Të gjendet kohë për pastrim është shumë më e zorshme, kështu që t’i caktoni pak kohë të dielën pastrimit, ju bën të ndiheni të rifreskuar, enegjik dhe gati për çdo gjë që do t’iu sjell java e ardhshme./Katror.info
Përgatiti:
