Superliga e Kosovës në basketboll, rikthehet këtë fundjavë me disa përballje mjaft interesante.
Ndeshja e parë e xhiros së katërt është dueli ndërmjet Vëllaznimit dhe Proton Cable Prizrenit, ku të dy skuadrat do të luftojnë për fitore.
Kuqezinjtë kanë një fitore e dy humbje, derisa prizrenasit një fitore e një humbje.
Mundesh me e lexu edhe…
Sfidë interesante është ajo mes ish-kampionëve, Pejës dhe Golden Eagle Yllit, ku të dy skuadrat verdhezi synimin e vetëm e kanë fitore në këtë takim. Pejanët kanë një fitore e një humbje, derisa therandasit një fitore e dy humbje.
Derbi i kësaj xhiro është mes skuadrave rivale dhe me traditë në basketbollin e Kosovës, Trepçës dhe Sigal Prishtinës.
Të dy skuadrat në tri xhirot e para kanë nga dy fitore e një humbje. Mitrovicasit në edicionin e fundit fituan katër trofe, ku pikërisht në finalen e Superkupës shënuan fitore ndaj Sigal Prishtinës.
Java e katërt do të mbyllet me takimin ndërmjet Bashkimit dhe Borës. Prizrenasit janë skuadra e vetme pa humbje me tri fitore, kurse prishtinasit të vetmit pa fitore me tri humbje në tri xhirot e para.
Superliga/Java 4
Të shtunën takohen:
17:15 Vëllaznimi – Proton Cable Prizreni
19:00 Peja – Golden Eagle Ylli
Të dielën takohen:
17:15 Trepça – Sigal Prishtina
19:00 Bashkimi – Bora.
/Katror.info
Përgatiti:
