Nga “Materialists” te “28 Years Later” – këta janë filmat që duhet t’i shikoni patjetër këtë muaj në kinema apo në shtëpi, shkruan BBC, përcjell Katror.info.
Materialists
Pas debutimit të saj emocional Past Lives, i nominuar për dy çmime Oscar në vitin 2024, Celine Song kthehet me një komedi romantike glamuroze. Dakota Johnson luan një ndërmjetëse dashurie në New York, që i vlerëson klientët vetëm sipas pasurisë, gjatësisë dhe bukurisë. Por kur bëhet fjalë për jetën e saj të dashurisë, a duhet të zgjedhë ish-të dashurin e varfër (Chris Evans) apo pasanikun e ri (Pedro Pascal)?
Shfaqet më 13 qershor në SHBA, Kanada, Indi, Poloni dhe Turqi
The Life of Chuck
Bazuar në një tregim të Stephen King, ky film nis në fund të botës, ku dy ish-bashkëshortë (Chiwetel Ejiofor dhe Karen Gillan) shohin tokën duke u shkatërruar, ndërkohë që shfaqen postera që nderojnë një burrë të zakonshëm: Chuck (Tom Hiddleston). Një rrëfim emocional dhe befasues që është më mirë të shihet pa zbuluar shumë paraprakisht.
Shfaqet më 6 qershor në SHBA dhe 11 qershor në Francë.
M3GAN 2.0
Kukulla robotike që u bë sensacion në TikTok rikthehet. Kësaj here ajo duhet të përballet me një android më të rrezikshëm, ndërtuar nga e njëjta teknologji. Skenar i frymëzuar nga Terminator 2, përplot aksion dhe përballje mes makinave vrasëse.
Shfaqet më 27 qershor ndërkombëtarisht.
Elio
Një djalë i turpshëm 11-vjeçar ngatërrohet për udhëheqësin suprem të Tokës nga një këshill ndërgalaktik. Pixar sjell një film me emocione të ngjashme me E.T. dhe Inside Out, me tema për vetminë dhe lidhjet njerëzore.
Shfaqet më 18, 19 dhe 20 qershor ndërkombëtarisht
28 Years Later
Pavarësisht se kanë kaluar vetëm 23 vite nga 28 Days Later, ky vazhdim i realizuar nga Danny Boyle dhe Alex Garland premton tmerr, tension dhe ritakime me virusin vdekjeprurës që ka izoluar Britaninë. Me Ralph Fiennes, Jodie Comer, Aaron Taylor-Johnson dhe Jack O’Connell në role kryesore.
Shfaqet më 18, 19 dhe 20 qershor ndërkombëtarisht
From the World of John Wick: Ballerina
Ana de Armas luan Eve-n, një balerinë që kërkon hakmarrje dhe stërvitet për t’u bërë vrasëse, në këtë spin-off të botës së John Wick. Keanu Reeves dhe Ian McShane shfaqen gjithashtu në role të vogla.
Shfaqet mes 4 dhe 7 qershor ndërkombëtarisht.
Marlee Matlin: Not Alone Anymore
Një dokumentar prekës për jetën e aktores së parë të shurdhër që fitoi Oscar, Marlee Matlin. Regjisorja Shoshannah Stern, gjithashtu e shurdhër, sjell rrëfime intime për betejat e Matlin me abuzimin, varësinë dhe aktivizmin.
Shfaqet më 20 qershor në SHBA.
Happy Gilmore 2
Adam Sandler rikthehet me vazhdimin e komedisë sportive që e bëri të famshëm pothuajse 30 vite më parë. Me rikthimin e personazheve të njohur dhe yje të rinj si Ben Stiller dhe Travis Kelce, filmi premton nostalgji dhe humor absurd.
Shfaqet më 25 qershor në Netflix ndërkombëtarisht.
F1: The Movie
Brad Pitt luan një pilot të Formula 1 që rikthehet në pistë për të mentoruar një të ri premtues. Me regjinë e Joseph Kosinski (Top Gun: Maverick), xhiruar në gara reale, filmi ofron aksion dhe adrenalinë të nivelit të lartë.
Shfaqet më 25, 26 dhe 27 qershor ndërkombëtarisht.
Sorry, Baby
Në këtë debutim të fuqishëm nga Eva Victor, e cila luan edhe rolin kryesor, trajtohen trauma e dhunës seksuale dhe mbijetesa emocionale. Një rrëfim i ndjeshëm dhe i çuditshëm për një jetesë që ecën përpara, edhe kur ndalemi brenda vetes.
Shfaqet në qershor (data specifike pritet të publikohet së shpejti). /Katror.info
Përgatiti:
