Mbretëresha Elizabeta e Dytë e Mbretërisë së Bashkuar feston ditëlindjen dy herë në vit. Por, ajo që e bën më të veçantë vitin 2022 nuk është vetëm fakti që ajo është 96 vjeç, por edhe që këtë vit festa e “Trooping the Colour” u shndërrua në një moment historik për të festuar 70 vjetorin e saj si mbretëreshë. “Trooping the Colour” është paradë e përvitshme ushtarake që ka shënuar ditëlindjen e shtetit sovran që prej vitit 1760.
Në vijim përmes fotografive, dëshirojmë të ndajmë me ju momentet historike të kësaj gruaje ikonike.
Lindja e një mbretëreshe
Princesha Elizabeta e Dytë lindi më 21 prill 1926. Në atë kohë ajo ishte fëmija i parë i Dukës dhe Dukeshës së Jorkut. Jeta e saj u ndryshua plotësisht rreth 10 vjet më vonë kur mbreti Eduardi i Tetë, xhaxhai i saj, e braktisi fronin. Babai i saj u bë mbret, duke e bërë atë trashëgimtare të kurorës dhe më vonë mbretëreshë, shkruan Bright Side.
Mundesh me e lexu edhe…
Një lidere qysh në moshë te re
Ishte vetëm 14 vjeçe, kur mbretëresha e ardhshme mbajti fjalimin e saj të parë publik së bashku me motrën e saj më të vogël, Princeshën Margaret. Në atë kohë Londra u sulmua nga avionët gjermanë në Luftën II Botërore. Por, me gjithë rrezikun, familja mbretërore nuk u largua nga kryeqyteti.
- Advertisement -
Ajo iu drejtoi fjalë ngushëlluese dhe inkurajimi fëmijëve britanikë që ishin shkëputur nga prindërit gjatë bombardimeve. Udhëtimi i saj i vullnetit të mirë filloi aty. Shtatë vjet më vonë, në ditëlindjen e saj, Princesha Elizabetë, bëri një përkushtim të përjetshëm ndaj shërbimeve të Komonuelthit.
Princesha Elizabetë martohet me Philip Mountbatten në moshën 21 vjeçare
Princesha Elizabeta u martua me kushëririn e largët, Togerin Philip Mountbatten, në moshën 21 vjeçare. Ai ishte princ i Greqisë dhe Danimarkës, por hoqi dorë nga titujt e tij për t’u martuar me princeshën britanike. Ai ishte 26 vjeçar. Ata kishin katër fëmijë: Princin Charles, Princeshën Ana, Princin Andrew dhe Princin Edward. Ai vdiq në moshën 99 vjeçare në vitin 2021.
- Advertisement -
U kurorëzua si mbretëreshë në moshën 25 vjeçare
Pas një beteje të gjatë me sëmundje, Mbreti Xhorxhi i Katërt ndërroi jetë derisa flinte. Trashëgimtarja e fronit ishte princesha Elizabeta, që ishte vajza më e madhe nga dy vajzat e vetme të tij. Në kohën kur mbreti vdiq, ajo ishte në Keni.
Një vit më vonë, në vitin 1953, në moshën 25 vjeçare ajo u kurorëzua si mbretërësha Elizabeta e Dytë. Në më pak se një muaj, u bë edhe portreti i saj i parë si mbretëreshë.
Mbretëresha hyri në histori
Përveç postimit të fotografisë së saj të parë në Instagram duke përdorur iPad-in e saj në moshën 92-vjeçare, Mbretëresha u bë monarkja më jetëgjatë në historinë britanike në vitin 2015, duke tejkaluar mbretërimin e stër-stërgjyshes së saj Mbretëreshës Viktoria.
Ajo është Monarkja e parë që ka jetuar katër jubile: të argjendtë, të artë, jubileun diamant dhe tani platinum.
Jubileu Platinum u festua në tërë vendin
Për nder të përvjetorit të veçantë, festimet e Jubileut Platinum janë mbajtur në të gjithë vendin. Festa katërditore u mbajt nga data 2 deri në 5 qershor, me një numër ngjarjesh dhe aktivitetesh publike.
Fillimi i festimeve përfundoi me një moment qesharak
Festimet nisën të enjten me një paradë për ditëlindjen e Mbretëreshës. Ajo dhe anëtarët e familjes mbretërore u shfaqën nga ballkoni i Pallatit Buckingham.
- Advertisement -
Ngjarja përfundoi me Forcën Ajrore Mbretërore dhe Princin Louis që u bë protagonist i ngjarjes sepse të shtënat ishin shumë të larta për veshët e tij. Ky është jubileu i parë i Mbretëreshës pa bashkëshortin e saj, Princin Philip.
Përgatiti:
