Komisioni Qendror i Zgjedhjeve (KQZ) ka bërë të ditur rezultatet e pjesës më të madhe të votave të numëruara, duke nxjerrë edhe emrat e grave më të votuara në zgjedhjet parlamentare, shkruan Katror.info.
Albulena Haxhiu nga Lëvizja Vetëvendosje (LVV) mori gjithsej 94,494 vota, duke u pasuar nga Donika Gërvalla e cila siguroi 84,154 vota. Mimoza Kusari nga LVV arriti 65,201 vota, duke u renditur në vendin e tretë ndër gratë më të votuara. Pas Kusarit renditet Doarsa Kica-Xhelili nga Lidhja Demokratike e Kosovës (LDK) me 47,500 vota, duke siguruar një vend të rëndësishëm në këtë listë. Hykmete Bajrami nga LDK mori 44,570 vota, duke u renditur pas Kica-Xhelilit.
Shqipe Mehmeti Selimi nga LVV ka siguruar 40,401 vota, ndërkaq pas saj është Saranda Bogujevci nga LVV me 36,071 vota.
Mundesh me e lexu edhe…
Në vijim është Vlora Çitaku nga Partia Demokratike e Kosovës (PDK) me 36,643 vota.
Pas Çitakut është Sala Jashari nga PDK mori 33,152 vota. Edona Llaloshi nga LVV ka arritur 33,558 vota.
Këto gra kanë treguar angazhim të jashtëzakonshëm në fushatat e tyre, por edhe përmes angazhimit të tyre në legjislaturat e kaluara, duke fituar mbështetje të gjerë nga qytetarët e Kosovës. Ato janë renditur ndër gratë më të fuqishme politikisht në vend. Pozitivja është se shumica e këtyre grave kanë tejkaluar dhe sfiduar mitin e kuotës gjinore për përfaqësimin në Parlament, duke dëshmuar se gratë janë të gatshme të udhëheqin dhe të kenë një ndikim të madh në politikat e vendit.
Personi dhe gruaja më e votuar në Kosovë vazhdon të mbetet presidentja aktuale e Kosovës, Vjosa Osmani, e cila në zgjedhjet e vitit 2021 fitoi 300,756 vota.
KQZ ende nuk ka nisur numërimin e votave me kusht dhe ato të diasporës, ku pas tyre pritet që së shpejti të bëhen të ditura rezultatet përfundimtare./Katror.info
Përgatiti:
