Testimi më i madh i punës katër-ditore ka marrë fund në Britani, me më shumë se 70 kompani dhe organizata pjesëmarrëse që operojnë anembanë mbretërisë.
Rezultatet e plota të studimit do të dalin në ‘Fushatën e Javës 4 Ditore’ në fillim të vitit të ardhshëm, por disa nga kompanitë që morën pjesë në testim i kanë thënë Euronews se si ky test rriti produktshmërinë dhe lumturinë e stafit.
Simon Ursell, drejtori administrativ i konsulencës mjedisore ‘Tyler Grange’ tha se ekipi i tij miratoi rregullin 100/80/100 – që do të thotë 100 përqind pagesë, për 80 përqind të kohës, duke ruajtur prodhimin 100 përqind.
Ai ishte i vetëdijshëm për sfidat që mund të paraqiste duke shtrydhur të njëjtën sasi pune në katër ditë. “Duhet të përparosh dhe duhet të gjesh mënyra të reja për të punuar,” tha ai.
Kompania madje zhvilloi një aplikacion për të matur lodhjen dhe lumturinë e punonjësve dhe pa u shqetësuar gjeti se fundjava tre-ditore pakësoi lodhjen, ndërsa nivelet e raportuara të lumturisë u rritën.
Dhe sa për rendimentin? “Nuk prisja që domosdoshmërisht të ishte mbi 100 përqind, por jemi në 101 përqind,” tha Ursell.
‘Mbështetje unanime’
Prodhuesi i produkteve ‘Skincare 5 Squirrels’ ishte një tjetër kompani që po adopton javën katër-ditore përgjithmonë, me mbështetje unanime për të në mesin e stafit.
“Ne kemi pasur një përvojë shumë pozitive me javën e përgjithshme 4-ditore, ne jemi duke mposhtur të gjitha objektivat tona të produktivitetit kundër prodhimit të vitit të kaluar, produktiviteti individual është shumë më i lartë se sa pritej dhe shitjet dhe fitimi janë përshpejtuar gjithashtu,” tha Gary Conroy, drejtori themelues.
Katër-ditorja: Cilat vende e kanë përqafuar atë dhe si po shkon deri tani?
Nga 70 organizata të përfshira, pozitivisht u përgjigjën 41, që do të thotë se së paku gjysma kishte gjasa në atë pikë të vazhdonin me këtë sistem.
Kohët e fundit ka patur shumë prova katër-ditore anembanë botës dhe të gjitha ato duket se përfundojnë me sukses.
Një tjetër test katër-ditor, këtë herë në Irlandë, përfundoi gjithashtu në 30 nëntor dhe u quajt “një sukses i madh” nga organizatat pas saj. Të gjitha kompanitë kanë thënë se synojnë të vazhdojnë me javën katër-ditore, me nëntë prej tyre që angazhohen menjëherë me këtë sistem.
Punëtorët në Belgjikë tani mund të kalojnë në një javë katër ditore – por ata nuk do të punojnë më pak orë. Sipas studiuesve, kishte “përmirësime të rëndësishme” në metrikë të tilla si stresi dhe lodhja. Koha mesatare e gjumit për pjesëmarrësit u rrit nga 7.02 orë në natë në 7.72 orë – kjo është më shumë se 40 minuta gjumë çdo natë./Katror.info
Përgatiti:
