Ministria e Arsimit, Shkencës, Teknologjisë dhe Inovacionit (MAShTI) njoftoi se brenda gjashtë ditëve të para nga hapja e sistemit për aplikim për subvencionimin e teksteve shkollore dhe materialeve mësimore, janë pranuar gjithsej 144,337 aplikime, shkruan Katror.info.
Deri më tani, janë verifikuar 73,064 aplikime, duke dëshmuar një angazhim dhe efikasitet të lartë në menaxhimin e procesit, i cili po zhvillohet pa pengesa të evidentuara. Ministria konfirmon se nuk ka pasur asnjë ankesë nga prindërit, duke treguar funksionalitetin dhe transparencën e sistemit.
Ky proces realizohet në bashkëpunim me Agjencinë e Shoqërisë së Informacionit (ASHI), ndërsa verifikimi i aplikimeve nga koordinatorët e shkollave po bëhet në mënyrë të rregullt dhe të organizuar.
Mundesh me e lexu edhe…
MAShTI inkurajon prindërit që nuk kanë aplikuar ende të përfitojnë nga kjo mundësi përmes platformës e-Kosova./Katror.info
