Nominimet për çmimet më të mëdha të industrisë së filmit këtë vit reflektojnë një gamë të gjerë zhanresh dhe stilesh, por ato ndajnë një tipar të përbashkët: trajtimin e temave politike dhe sociale me intensitet të jashtëzakonshëm.
Filma të tillë si The Apprentice, një biografi kontroverse për Donald Trump, dhe Emilia Pérez, një muzikale franceze që përmban një mesazh të fuqishëm kundër korrupsionit, tregojnë se Akademia e Filmit ka vlerësuar jo vetëm artin e kinemasë, por edhe angazhimin e saj në debatet bashkëkohore, shkruan BBC, transmeton Katror.info.
Me 13 nominime, përfshirë aktoren trans Karla Sofía Gascón, Emilia Pérez është një shembull i përkushtimit të Oscars ndaj diversitetit dhe temave provokuese.
Mundesh me e lexu edhe...
Ndër filmat më të spikatur janë edhe I’m Still Here dhe Wicked. Drama braziliane I’m Still Here ka fituar vëmendje jo vetëm si filmi më i mirë ndërkombëtar, por edhe si film më i mirë në përgjithësi, ndërsa shfaq guximin e të qëndruarit përballë regjimeve totalitare.
Ndërkohë, Wicked, i nominuar në 10 kategori, nga jashtë duket si një histori e thjeshtë empatie, por trajton thellësisht mënyrën se si pushteti përdoret për të frikësuar dhe manipuluar.
Po ashtu, filmat si The Brutalist dhe Anora hedhin dritë mbi përvojat e emigrantëve dhe pabarazinë sociale, ndërsa Nickel Boys dhe Sing Sing adresojnë trashëgiminë e racizmit dhe realitetet e sistemit penal në SHBA.
Këtë vit, dominimi i filmave me mesazhe politike tregon një prirje të re në historinë e Oscars. Ndërsa viteve të kaluara ka pasur raste sporadike të filmave të tillë, si Triangle of Sadness dhe Killers of the Flower Moon, në 2025 ata janë bërë rregull.
Tani, sfida qëndron në atë se si do të reflektohet kjo frymë në ceremoninë e ndarjes së çmimeve. Nëse fjalimet e fituesve do të shkojnë përtej thirrjeve të zakonshme për diversitet dhe do të përfshijnë deklarata më të fuqishme politike, kjo mund ta kthejë mbrëmjen e marsit në një nga më emocionueset në historinë e Oscars. /Katror.info
Përgatiti:
