Shqiptarë punëtorë, shqiptarë të suksesshëm!
I tillë është edhe 21 vjeçari nga fshati Llozicë i Malishevës, Saimir Dobruna, që jeton dhe punon në Bergamo të Italisë. Rrëfimin e tij ai e ndajti sot në emisionin ‘N’frekuencë me Robin’.
Platforma e Lajmeve të mira si mision të vetin e ka caktu promovimin e shqiptarëve të suksesshëm në Kosovë, Shqipëri, Maqedoni dhe diasporën tonë të çmueshme.
Lexuesit tanë të shumtë janë mësuar të shohin storie suksesi të shqiptarëve anë e mbanë botës. Janë gjithandej, si mësimdhënës e drejtues Universitetesh, udhëheqin Qendra Spitalore e janë mjek të zotë. Sportistë në kulm të karrierës e për industrinë e muzikës as që bëhet fjalë për suksese tashmë – We run the industry baby!
Mundesh me e lexu edhe...
Por, sot po ju sjellim një artikull e rrëfim-kuriozitet për Saimirin, dëgjuesin besnik të emisionit ma të ndjekur prej vitesh ‘N’frekuencë me ROBIN’, të udhëhequr nga moderatori dhe influenceri i suksesshëm në diasporën tonë Robert Bojaj.
Saimiri çdo ditë për 3 vjet me radhë piloton një vinç në hiq ma pak se 70 metra lartësi. Saimiri e ka të vështirë edhe pauzën me e shfrytëzu për shkak se koha që i duhet me zbrit në toke nuk i mjafton. Erërat e forta duket se janë problemi ma i madh me të cilin ballafaqohet Saimiri çdo ditë, marrë parasysh edhe pozitën gjeografike të Italisë që është e rrethuar me det. Por teknologjia e fundit e instaluar në vinçin e tij thotë se i ndihmon në parashikimet e motit madje Saimiri këto informacione i ndan vazhdimisht me kolegët në vinçat tjerë për t’i ikur kështu vështirësive të këtij zanati.
Si shumë qytetarë nga Malisheva edhe Saimiri, ish futbollist i Dukagjinit të Klinës, jeton që 4 vite në Itali. Punojnë bashkë e takohen shpesh dhe siç thotë vet Saimiri ‘Mos me dit’ shqip në Itali humb’ 😀
Diaspora jonë që moti është prezente në shumë vende të Evropës, Amerikë dhe gjithandej nëpër botë. Janë punëtorë të zotë dhe gëzojnë respekt në shoqëritë ku jetojnë. Numri ma i madh i tyre angazhohen shumë për të ndihmuar familjet e tyre në Kosovë dhe sigurohen që fëmijët e tyre të marrin shkollimin adekuat në mënyrë që të jenë të prezantuar dhe integruar plotësisht në vendet gjegjëse.
Ekonomia e Kosovës falë punës së Saimirit dhe bashkatdhetarëve tanë në diasporë shënon rritje vazhdimisht dhe këtë e tregojnë statistikat për remitencat e dërguara vit pas viti.
Sipas Bankës Qendrore të Kosovës (BQK) në vendin tonë në vitin 2020, vlera e remitencave, ishte rreth 940 milionë Euro, ndërsa në vitin 2021 remitencat kapin shifrën 1 miliardë e 200 milionë Euro. Sipas BQK-së në 5 vitet e fundit nga diaspora jonë në Kosovë kanë ardhur më shumë se 4.5 miliardë Euro.
Puna që diaspora jonë bën është e çmueshme dhe aspak e lehtë, marrë parasysh edhe qëndrimin larg familjes dhe vendlindjes së tyre. E Saimiri në fund të intervistës me Robin e patë vetëm një kërkesë që familja e tij në Kosovë të ketë mundësi ta shoh këtë video e të çmallet sadopak. Këtë dëshirë të Saimirit po e përkrahim edhe ne redaksia e katror.info me shpresën që t’u e shpërnda sa ma shumë do të mbërrijë tek familjarët, miqtë dhe të gjithë ata që i ka marrë malli për Saimirin./Katror.info
