Sot shënohen 26 vjet nga fillimi i misionit të NATO-s në Kosovë – KFOR, një ndërhyrje historike që garantoi siguri dhe stabilitet pas një periudhe të rëndë konflikti. Me këtë rast, Ambasada Gjermane në Kosovë ka publikuar një mesazh përkujtimor duke theksuar rëndësinë e këtij misioni dhe përkushtimin e Gjermanisë ndaj së ardhmes së Kosovës, shkruan Katror.info.
“26 vjet të KFOR-it”, thuhet në reagimin e ambasadës, ku përkujtohet fillimi i misionit më 12 qershor 1999 dhe citohet ish-Sekretari i Përgjithshëm i NATO-s, Lord Robertson: “Qëllimi ishte: forcat e Millosheviqit jashtë, NATO brenda dhe refugjatët të rikthehen. Misioni u përmbush.”
Ambasada thekson se që nga shpallja e pavarësisë në vitin 2008, Kosova ka treguar përparim të dukshëm në qëndrueshmëri, zhvillim dhe njohje ndërkombëtare.
Mundesh me e lexu edhe…
“Gjermania mbetet një nga partnerët më të afërt të Kosovës, duke e mbështetur fuqimisht në rrugëtimin e saj drejt një të ardhmeje të qëndrueshme dhe të begatë,” përfundon deklarata.
Misioni i KFOR-it vazhdon të jetë një element kyç për sigurinë në rajon, ndërsa partneritetet ndërkombëtare si ai me Gjermaninë mbeten thelbësore për të ardhmen euroatlantike të Kosovës./Katror.info
