Këtë t’premte e nisim me grupin U2 dhe kangën e tyre “One”.
Historia e kësaj kange është mjaft interesante. Teksa muri që ndante Berlinin në dy pjesë ishte rrëzuar, më 9 nëntor 1989, ishte grupi U2 ai që përbrenda vetes kishte filluar të ndërtonte barriera.
Bono, anëtar i grupit, vetëm sa ishte bërë baba, ndërsa anëtari tjetër, The Edge kishte probleme martesore. Në mes këtyre problemesh dhe përgjegjësish familjare, lindën edhe problemet krijuese, të cilat u shfaqën edhe gjatë mbajtjes së turneut për albumin “Rattle And Hum”.
Mundesh me e lexu edhe…
Gjatë turneut, në një koncert Bono iu drejtua publikut ku tha “Ky është veç fundi i një periudhe për U2, dhe kjo është arsyeja pse po mbajmë këto koncerte. S’është aq problem. Na duhet të ndahemi dhe t’i ëndërrojmë t’gjitha që nga fillimi”, shkruan American SongWriter.
Ishte e qartë tashmë se diçka nuk ecte mes grupit. U duhej një frymëzim i ri.
Teksa grupi irlandez i zhanrit rock ndodhej në një pikë kritike, në një pasdite të vitit 1991 në studion Hansa në Berlin, nji melodi buroi si nji mrekulli.
- Ishte kanga “One” e cila praktikisht i bëri bashkë përsëri grupin.
Mirëpo kanga “One” sot nuk konsiderohet vetëm bashkim i grupit, në vitin dhe vendin që u krijua, shpeshherë kjo kangë konsiderohet si kangë që i kushtohet edhe bashkimit të dy Gjermanive.
Po ç’kuptim ka teksti?
- Kanga “One” është kanga e tretë e albumit të shtatë të grupit irlandez, të titulluar “Achtung Baby”.
Ky album karakterizohej me ironi, seks dhe nënçmim të vetvetes, e kanga “One” vjen si reflektim mbi një marrëdhënie.
Secili varg shtron pyetje të reja – A po përmirësohemi? A të zhgënjeva? A ke ardhur të kërkosh falje? – dhe asnjë përgjigje s’ofrohet në këmbim.
Tash, duke marrë parasysh gjendjen në të cilën anëtarët u gjendën gjatë krijimit të kangës, shtrohet pyetja kujt ia ka drejtuar Bono/tekst-shkruesi, ato pyetje?
Vetë grupit, gruas së tij apo gruas së The Edge? Por, në fund të fundit, “One” s’ka të bëjë me dashurinë.
Bëhet fjalë për dorëheqjen, ndarjen, për një rutinë të zakonshme, e cila duhet t’përfundoj, sepse krejt papritur jemi ndryshe nga njëri-tjetri.
- Kanga ka tri videoklipe të ndryshme.
E normalisht kangës së unitetit nuk i munguan sukseset.
- Kanga u votua si best single në sondazhin e lexuesve të Rolling Stone të vitit 1992. U2 gjithashtu fitoi për albumin, grupin dhe rikthimin më të mirë të vitit. Në vitin 2003, u votua si kënga më e mirë ndonjëherë nga Revista Q, shkruan SongFacts.
Gjithashtu Sony e rangoi “One” në mesin e këngëve më të njohura të të gjitha kohërave, ndërsa sipas një sondazhi të kryer nga VH1, rezultoi të jetë kënga britanike me tekstin më të mirë të shkruar ndonjëherë.
- U bë cover nga shumë artistë të ndryshëm si Johnny Cash dhe Joe Cocker.
Kanga e pati edhe një version tjetër në bashkëpunim me Mary J. Blige, i lansuar në vitin 2006.
Ky version pati sukses të madh, duke u bërë një nga këngët më të shitura si për Blige ashtu edhe për U2, dhe arriti ta kapërcejë edhe suksesin e origjinalit.
Vazhdojmë të martën me kangën e radhës./Katror.info
Përgatiti:
