Pesë kandidatë me prejardhje nga Kosova po garojnë për herë të parë në zgjedhjet e landit të Hamburgut, duke shënuar një moment historik për diasporën shqiptare në Gjermani dhe forcimin e përfaqësimit të saj në politikën gjermane, shkruan Katror.info.
Në një takim me udhëheqësin e Konsullatës së Përgjithshme të Republikës së Kosovës në Hamburg, Mizbah Mustafa, kandidatët Dafina Berisha nga SPD, Kushtrim Lulaj nga CDU, Muhamet Idrizi nga CDU, Nikola Tunici nga CDU dhe Sami Musa nga FDP diskutuan mbi rëndësinë e pjesëmarrjes aktive të diasporës në proceset politike dhe rritjen e përfaqësimit të saj në institucionet gjermane.
Kandidimi i tyre vlerësohet si një dëshmi e suksesit të integrimit të komunitetit shqiptar dhe e angazhimit të tij në ndërtimin e një shoqërie demokratike dhe gjithëpërfshirëse. Ndërsa dikur zëri i mërgatës shqiptare dëgjohej përmes protestave në rrugët e Hamburgut, sot ai ka mundësinë të dëgjohet brenda parlamentit të këtij landi.
Mundesh me e lexu edhe…
“Kandidatura e tyre jo vetëm që dëshmon suksesin e integrimit, por gjithashtu pasqyron angazhimin e përbashkët për shoqëri demokratike dhe gjithëpërfshirëse”, thuhet në njoftimin e Ambasadës Gjermane në Prishtinë.
Në këtë kontekst, u bëhet thirrje të gjithë shqiptarëve me të drejtë vote në Hamburg që të marrin pjesë në zgjedhje, duke e parë votën jo vetëm si një detyrim qytetar, por si një mundësi për të forcuar rolin dhe zërin e tyre në politikën gjermane./Katror.info
Përgatiti:
