Falë përkrahjes së KEP Trust dhe Finnish School of Kosova, 50 fëmijë po marrin mbështetje psikologjike dhe sociale për dy muaj me radhë. Përmes punës së psikologëve dhe punëtorëve socialë të licencuar, këta fëmijë po përfitojnë kujdes profesional, dashuri dhe orientim që i ndihmon në rrugëtimin e tyre drejt një të ardhmeje më të sigurt e më të ndritur.
“Me krenari ndajmë një tjetër hap përpara në misionin tonë për t’u gjendur pranë fëmijëve pa kujdes prindëror”, njofton Trust Circle Foundation.
Trust Circle Foundation do të vazhdojë të mobilizojë bizneset dhe komunitetin për të ofruar mbështetje të qëndrueshme për fëmijët në nevojë. /Katror.info
