Pas katër ekipeve shqiptare, Egnatia, Ballkani, Deçiqi dhe Struga që luajtën në kualifikueset e Champions League, kjo e enjte do të sjellë në fushë gjashtë ekipe të tjera shqiptare mes kualifikueseve të Europa League dhe Conference League.
Llapi do të jetë skuadra e vetme shqiptare që do të luajë në kualifikueset e Europa League 2024-25 në raundin e parë.
Malisheva, Shkëndija, Tirana, Partizani dhe Vllaznia do të luajnë të gjithë në raundin e parë të Conference League 2024-25.
Mundesh me e lexu edhe...
Llapi do të përballet në transfertën polake ndaj Wisla Krakow-es. Një emër i madh në futbollin polak, por që aktualisht luan në ligen e dytë për nga rëndesia dhe vjen si fituese e Kupës së Polonisë. Dueli do të fillojë nga ora 20:30.
Ndeshja e parë e ditës në Conference League nga ekipet shqiptare do të jetë ajo e Malishevës, e cila pret malazezët e Buducnost-it. Takimi do të fillojë nga ora 17:00.
Në orën 18:00, Shkëndija e Tetovës do të fillojë përballjen e saj me Noah-n ne Armeni.
Një orë më vonë, Tirana do të luajë në transfertën gjeorgjiane përballë Torpedo Kutaisi.
Duke filluar nga ora 20:00, Partizani do të përballet me skuadrën nga Malta të Marsaxlokk, me ndeshjen që zhvillohet në “Elbasan Arena”.
Takimi i fundit i ditës në Conference League nga ekipet shqiptare do të jetë ai mes Vllaznisë dhe Valur-it. Ndeshja do të zhvillohet në Islandë duke filluar nga ora 21:00.
Kujtojmë se në Conference League do të luajë edhe Drita. Por, skuadra nga Gjilani do të fillojë aventurën e saj nga raundi i dytë kualifikues.
Rezultatet e ekipeve shqiptare në kualifikueset e Champions League 2024-25:
Slovan 4-2 Struga
Borac 1-0 Egnatia
UE Coloma 1-2 Ballkani
TNS 3-0 Deçiqi.
Përgatiti:
