Edson Arantes do Nascimento, i njohur si Pele, ishte futbollisti më i madh i epokës së tij që nga mosha 17 vjeçare.
Pele vendosi shumë rekorde në futboll, shumica e të cilave janë thyer, disa do të thyhen së shpejti, ndërsa disa mund të mos thyhen kurrë as nga Messi apo Ronaldo.
Ja një vështrim në rekordet, shumica e të cilave ishin në Kupën e Botës.
Mundesh me e lexu edhe...
Më së shumti Hatrickë në futboll, gjithsej 92
Mund të thuhet 100% se ky rekord nuk do të thyhet. Futbollisti legjendar shënoi 92 hat-trickë profesionistë në karrierën e tij të shkëlqyer profesionale.
Kjo është dukshëm më e pabesueshme duke pasur parasysh se individi më i afërt me të në histori është Cristiano Ronaldo me 56 hat-trickë. Ronaldo duhet të shënojë edhe 36 hat-trickë për të barazuar rekordin e tij. Kjo me gjasë nuk do të ndodhë.
Numri total i golave të shënuar (gola zyrtar dhe jozyrtar) – 1283 gola
Ronaldo së fundi theu rekordin zyrtar të golave të Peles, megjithatë portugezi është shumë larg arritjes së golave totale të Peles (si zyrtarë ashtu edhe jozyrtarë) golat zyrtarë janë gola të shënuar në garat e njohura nga FIFA, ndërsa golat që ka shënuar në garat që nuk njihen nga FIFA janë janë jozyrtarë. Pele shënoi 526 gola jozyrtarë.
Më së shumti trofe të Kupës së Botës – Tre herë Kampion i Botës
Kur Pele bëri debutimin e tij në Kupën e Botës, Brazili nuk e kishte fituar kurrë çmimin më të lakmuar të futbollit. Në momentin kur u tërhoq nga futbolli botëror, pas 12 vitesh, Brazili ishte vendi më i mirë në historinë, duke e fituar atë në vitet 1958, 1962 dhe 1970. Si në vitet 1958 dhe 1970, Pele ishte lojtari më i mirë i Kampionatit.
Më së shumti asistime në Kampionatet Botërore–10 asistime
Është mjaft e habitshme që ky rekord qëndron për kaq gjatë. Në total, Pele bëri 10 asistime në Kupën e Botës, megjithatë ky rekord mund të thyhet.
Më shumë asistime në një kompeticion të vetëm të Kupës së Botës – 7 asistime (1970)
Nga 10 asistimet e Peles në Kupën e Botës, 7 prej tyre erdhën në Kupën e Botës 1970, numri ky më i lartë i asistimeve në një turne të vetëm të Kupës së Botës.
Lojtari më i ri që ka fituar Kupën e Botës
Në momentin kur Pele u përzgjodh nga Brazili për Kupën e Botës 1958, në moshën 17-vjeçare, ai u shndërrua në lojtarin më të ri që u emërua në një skuadër të Kupës së Botës. Dhe e kurorëzoi duke e fituar Kupën me Brazilin, shkruan ekohotblog.
Gjithsej, katër lojtarë më të rinj se Pele kanë qenë në Kupën e Botës që nga viti 1958, por asnjëri nuk e ka fituar garën. Pele ishte vetëm 17 vjeç e 249 ditë kur filloi për Brazilin në Kupën e Botës 1958 për herë të parë kundër Suedisë, përveç kësaj, ai ishte lojtari më i ri që filloi një ndeshje të Kupës së Botës, një tjetër rekord që ende nuk është thyer, e gjithashtu është lojtari më i ri që ka shënuar në një ndeshje të Kupës së Botës.
7 Topa të Artë
Pele nuk e ka fituar kurrë Topin e Artë, ky shpërblim deri në vitin 1995 u është ndarë vetëm futbollistëve nga Evropa, dhe u hap për lojtarët jashtë Kontinentit evropian në vitin 2007.
Në vitin 2016 pati një rishqyrtim të çmimit. Në vitin 2016, në 60 vjetorin e ndarjes së cmimit, France Football vendosi të bëj një rikapitullim dhe të shihte se kush do të kishte fituar çmimin prestigjioz individual në futboll, nëse do të ishte një çmim mbarëbotëror që nga origjina e tij.
Ata vendosën që në 12 nga 39 vitet përpara se jo-evropianët të kualifikoheshin, fituesit do të kishin qenë të ndryshëm.
12 fituesit e rinj përfshinin Romarion, Mario Kempesin, Garrinchan, Diego Maradonan dy herë dhe Pelen disa herë.
Pele fitoi shtatë prej tyre në 1958, 1959, 1960, 1961, 1963, 1964 dhe 1970, pra gjashtë Topa të Artë rresht, e që është një tjetër rekord.
Ky rekord i Peles është barazuar tashmë nga argjentinasi, Lionel Messi, i cili ka fituar gjithashtu 7 Topa të Artë./Katror.info
Përgatiti:
