Sot në Prishtinë përurohet “721 fshatra”, një dyqan i veçantë që sjell në qendër të vëmendjes punën artizanale të grave nga zonat rurale, komunitetet minoritare dhe nënave vetushqyese. Kjo nismë është rezultat i përkushtimit shumëvjeçar të OJQ-së “Lady”, e cila punon për fuqizimin ekonomik të grave në Kosovë, shkruan Katror.info.
Sanija Murati, drejtoresha e organizatës, shpjegoi në një intervistë për RTK se dyqani mban këtë emër për të promovuar të gjitha fshatrat e Kosovës dhe për të nxjerrë në pah bukurinë e traditës artizanale të grave.
“Gratë e Kosovës kanë punuar me teknika të ndryshme për vite me radhë. Ne i kemi trajnuar ato për të shndërruar këto aftësi në produkte unike, të cilat jo vetëm që ruajnë traditën, por edhe shërbejnë si prezantim i kulturës sonë,” theksoi Murati.
Mundesh me e lexu edhe…
Përveç dyqanit, projekti do të përfshijë edhe një furgon lëvizës, i cili do të udhëtojë nëpër Kosovë për të promovuar produktet artizanale nëpër festa dhe ngjarje të ndryshme.
“721 fshatra” nuk është thjesht një dyqan, por një platformë për ndryshim, që u jep grave mundësinë të shndërrojnë pasionin dhe traditën në një burim të qëndrueshëm të ardhurash./Katror.info
Përgatiti:
