Pas pothuajse dy dekadash negociatash dhe përpjekjesh, këtë javë marrëveshja globale për mbrojtjen e oqeaneve më në fund u bë realitet. Kjo marrëveshje sjell shpresë për ekosistemet detare dhe komunitetet që varen prej tyre.
Prej vitesh, shkencëtarë, aktivistë dhe komunitete bregdetare anembanë globit kanë kërkuar mbrojtjen e ujërave ndërkombëtare, nga të cilat më pak se 1% janë aktualisht të mbrojtura plotësisht, shkruan Positive News, përcjell Katror.info.
Kjo do të ndryshojë. Marrëveshja Globale për Oqeanin, e cila u nënshkrua nga 84 shtete në vitin 2023, ka kaluar këtë javë pragun e nevojshëm për t’u bërë ligj, pasi mbi 60 vende e kanë ratifikuar zyrtarisht. Marrëveshja pritet të hyjë në fuqi në fillim të vitit të ardhshëm.
Mundesh me e lexu edhe...
“Ky është suksesi më i madh që kam parë ndonjëherë për mbrojtjen dhe rikthimin e oqeaneve,” tha Ariana Densham, aktiviste e lartë në Greenpeace. “Aktivistët, komunitetet bregdetare, peshkatarët artizanalë, shkencëtarët dhe dashamirësit e oqeanit kudo mund ta kujtojnë këtë moment si provë që, kur miliona zëra kërkojnë ndryshim, mund të arrihet edhe ajo që dikur dukej si një ëndërr e largët.”
Marrëveshja u jep qeverive një kuadër ligjor për të mbrojtur ujërat që ndodhen përtej juridiksionit të ndonjë shteti. Sipas Greenpeace, nëse zbatohet plotësisht, ajo mund të krijojë rrjetin më të madh të rezervateve detare në histori./Katror.info
