Siç thotë populli “mosha është thjesht një numër”. Këtë e vërteton boshjaku Ibrahim Kalesic. Në moshën 88-vjeçare ai është në formë të shkëlqyer dhe kryen rregullisht hedhje nga aeroplanët.
Ibrahim i cili u njoh me sportin më shumë se 70 vjet më parë, pasi përfundoi kërcimin e tij të 1,487 gjatë një konkursi parashutizmi në qytetin perëndimor të Bihaçit tha: “Është një ndjenjë e shkëlqyer. Ndihem super i ç’lodhur psikologjikisht dhe po shijoj shoqëri të shkëlqyer”.
Kur ishte i ri, Kalesic iu nënshtrua stërvitjes në një qendër fluturimi në Serbi përpara se të bëhej vetë instruktor kërcimi. Në vitin 1963, ai vendosi një rekord jugosllav duke u hedhur nga avioni në një lartësi prej 5,500 metrash.
Mundesh me e lexu edhe...
“Unë jam parashutisti më i vjetër aktiv në Europë. Dëshiroj të vazhdoj me këtë edhe për 10 vite të tjera, në mënyrë që të futem në librin e rekordeve botërore Guinness si parashutist boshnjak”.
Kalesiç bëri 21 kërcime në pesë ditë muajin e kaluar gjatë një gare në qytetin veriperëndimor të Prijedorit. Dëshira e tij më e madhe është të marrë parashutën e tij dhe një tjetër që ta përdorë për stërvitjen e kërcyesve të rinj.
“Unë jam një pensionist dhe do të doja të kisha një parashutë për të trajnuar studentët e mi, të cilët më pas do të më zëvendësonin në garat e kërcimit. Hedhja me parashutë është një sport ekstrem dhe kërkon përqendrim. Për të qenë i përqendruar mirë, njeriu duhet të flejë mirë dhe për të fjetur mirë duhet të ketë një vetëdije të qartë se nuk ka ofenduar apo dëmtuar askënd, dhe pastaj mund të fle pa makthe dhe të jem në gjendje të kërcej”.
Përgatiti:
