Sot në Prishtinë u certifikua gjenerata e pestë e asistentëve për fëmijë/nxënës me nevoja të veçanta arsimore, duke përmbushur kështu numrin prej 409 asistentëve të certifikuar për këtë kategori të shoqërisë.
Mësuesit asistentë janë të pazëvendësueshëm në ofrimin e mundësive për fëmijët me aftësi të kufizuara për të zhvilluar aftësi të ndryshme – sociale dhe arsimore – dhe për të arritur potencialin e tyre të plotë
Kryeministri i Kosovës, Albin Kurti tha para të pranishmëve, se të të gjithë janë të ndryshëm nga njëri-tjetri, si nga vetitë e karakterit, tiparet fizike, prirjet apo kërkesat e caktuara dhe kjo sipas tij, “inkurajon zgjerimin e vetëdijes, thellimin e dijes dhe na jep mundësi t’i kuptojmë ndryshimet e t’i trajtojmë si duhet, duke synuar barazi për të gjithë”.
Mundesh me e lexu edhe…
“Të qenit ndryshe është vlerë për një shoqëri demokratike dhe të shëndoshë”, u shpreh ai.
Me tej, kryeministri Kurti theksoi se disa kualifikime kërkojnë vëmendje të posaçme dhe kujdes të veçantë, sepse mbështesin individë me nevoja të veçanta arsimore, prandaj, nuk ka mënyrë më të mirë për ta ndërtuar të ardhmen bashkë, se sa duke përgatitur profesionistë të kualifikuar e të specializuar, që më pastaj përgatisin të tjerët të zhvillojnë e të marrin aftësi të tyre e të reja.
“Një fakt i spikatur për gjeneratën tuaj të asistentëve, është se, fillimisht patëm planifikuar pesë grupe me 125 pjesëmarrës, por përfundimisht janë krijuar shtatë grupe me 180 pjesëmarrës nga 21 komuna të Kosovës anembanë vendit tonë”, tha Kurti, duke shtuar se “deri tani kemi 409 asistentë të certifikuar, gjithsej në pesë gjenerata, ndërsa aktualisht po e vijon trajnimin gjenerata e gjashtë”.
Ministria e Arsimit, Shkencës, Teknologjisë dhe Inovacionit ka vendosur të punësojë 500 mësues asistentë deri në fund të vitit 2025./Katror.info
Përgatiti:
