Dhoma e Tregtisë dhe Industrisë Kosovë ka shfaqur përkrahje për protestën e thirrur për datën 5 prill për të kundërshtuar rritjen e paralajmëruar të çmimit të energjisë.
Në komunikatë thuhet se DHTK ka ngritur alarmin që nga ditët e para kur është përmendur rritja e çmimit të energjisë.
DhTIK rithekson se rritja e paralajmëruar e çmimit të energjisë do të ketë ndikim negativ zinxhirë, pra do të ulë të hyrat e biznesit e për pasoj do ulen edhe të hyrat e buxhetit, do rrezikohen vendet e punës, si dhe bizneset pa dashjen e tyre, do të detyrohen të rrisin çmimin e produkteve, duke u vënë në situatë të vështirë karshi konkurrencës nga jashtë”, thuhet mes tjerash në komunikatë.
Mundesh me e lexu edhe…
Në reagimin e saj, DHTK ka ftuar gjitha bizneset që t’i bashkohen protestës.
Komunikata:
Dhoma e Tregtisë dhe Industrisë Kosovë mbështetë protestën e thirrur për datën 5 prill për të kundërshtuar rritjen e paralajmëruar të çmimit të energjisë.
Që nga ditët e para kur është përmendur rritja e çmimit të energjisë, DhTIK ka ngritur alarmin duke u kërkuar institucioneve që të veprojnë për ta parandaluar një veprim të tillë.
Bizneset dhe qytetarët nuk duhet të dënohen për shkak të dështimit të institucioneve që të sjellin investime në prodhim të energjisë apo shkaku i dështimit të mirëmbajtjes më kohë të stabilimenteve energjetike.
DhTIK rithekson se rritja e paralajmëruar e çmimit të energjisë do të ketë ndikim negativ zinxhirë, pra do të ulë të hyrat e biznesit e për pasoj do ulen edhe të hyrat e buxhetit, do rrezikohen vendet e punës, si dhe bizneset pa dashjen e tyre, do të detyrohen të rrisin çmimin e produkteve, duke u vënë në situatë të vështirë karshi konkurrencës nga jashtë.
Në takimet e shumta që kemi mbajtur me bizneset tona anëtare, shumë prej tyre kanë plane për të investuar apo rritur kapacitetin e prodhimit të energjisë nga era dhe dielli, por se këtë po e pamundësojnë ligjet dhe rregulloret e ZRRE-së.
Një pengesë e madhe është bërë edhe Ligji për Pronën Publike, i cili ka pamundësuar rritjen e investimeve në prodhim të energjisë dhe sjelljes së investimeve të huaja.
Ne poashtu jemi kundër propozimit të Ministrisë së Ekonomisë për shtimin e numrit të brezave (blloqeve) të konsumit për mbi 800 kWh.
Me këtë rast DhTIK fton të gjitha bizneset që t’i bashkohen protestës.
DhTIK është duke shqyrtuar edhe ndërmarrjen e masave tjera për të kundërshtuar si rritjen e çmimit të energjisë, ashtu edhe planin e ZRRE-së për liberalizimin e tregut. /Katror.info
Përgatiti:
