Nëse ke tre muaj kohë të lirë dhe një llogari bankare të pasur, një aventurë epike rreth botës me tren mund të jetë përvoja që kërkoni.
Kompania britanike “Adventures By Train” ka lansuar turin e saj të parë ndërkombëtar, një udhëtim 100-ditor pa fluturime, që ofron një kombinim të udhëtimeve luksoze me tren dhe lundrime në det.
Nisja e parë do të ndodhë më 17 mars 2026 nga stacioni i Londrës, St Pancras, dhe do të kalojë përmes 14 shtetesh, përfshirë Francën, Zvicrën, Austrinë, Turqinë, Japoninë, Kanadanë dhe SHBA-në.
Mundesh me e lexu edhe...
Ky udhëtim i jashtëzakonshëm është ekskluziv për vetëm 12 udhëtarë, dhe çmimi për një biletë është 112,900£. Çiftet mund të përfitojnë një zbritje të konsiderueshme, me çmimin që zbret në 89,950£ për person.
Gjatë këtij udhëtimi pa avion, udhëtarët do të kenë mundësinë të vizitojnë disa nga vendet më të njohura të mbrojtura nga UNESCO, të shijojnë darka në restorante me yje Michelin dhe të marrin pjesë në aktivitete kulturore unike, si ceremonitë tradicionale të çajit në Tokio dhe degustimet e verës në Gjeorgji.
Një pjesë e udhëtimit përfshin disa lundrime luksoze, si një udhëtim 23-ditor me anije nga Tokio në Vancouver dhe një tjetër transatlantik nga Nju Jorku në Southampton në bordin e “Queen Mary 2”. Udhëtarët gjithashtu do të shijojnë udhëtime më të shkurtra në Detin Kaspik dhe Azi.
Për akomodimin, udhëtarët do të strehohen në hotele historike dhe me pesë yje, si Pera Palace në Stamboll dhe Shangri-La në Vancouver, duke e bërë këtë udhëtim një përvojë të paharrueshme dhe luksoze. /Katror.info
