Qeni i Brad Schofro-s, Zoie, nuk leh pothuajse kurrë. Kështu që kur filloi të lehte papritmas dhe të shikonte me kurreshtje nga dritarja e përparme e shtëpisë së tyre në Lebanon, Tennessee, mendoi se ndoshta po diçka nuk shkon, tregoi ai për The Washington Post, përcjell Katror.info.
Por më pas e vuri re një fëmijë të vogël, diku 3 vjeç, që po ecte i vetëm në rrugicën para shtëpisë së komshiut.
Schofro reagoi menjëherë dhe iu afrua komshiut për ta pyetur nëse e njihte fëmijën, por i njejti u shpreh se nuk e kishte parë më parë. Askush nuk e njihte djalin e vogël. Pasi u përpoqën të flisnin me fëmijën, komshinjtë e Schofro-s e morën atë dhe e shëtitën lart e poshtë nëpër lagje, duke pyetur njerëzit, kurse Schofro telefonoi policinë.
Mundesh me e lexu edhe...
Policia e pyeti për vendndodhjen dhe përshkrimin e veshjes së fëmijës, dhe Schofro i dha të gjitha informacionet.
“E dëgjova tek bërtiste nga ana tjetër e dhomës, ‘E gjetën!’” rrëfen Schofro për The Post. Zyrtarët policorë mbërritën në vendngjarje më pak se një minutë më vonë. Sipas Policisë së Lebanonit, prindërit e djalit kishin raportuar zhdukjen e tij rreth pesë minuta para se Schofro të telefononte. Për arsye ende të paqarta, fëmija kishte arritur të largohej nga shtëpia dhe të përshkonte rreth 160 metra.
Pasi u krye një vlerësim mjekësor, djali u rikthye i sigurt te familja e tij. Pas përfundimit të raportit nga policia, qeni Zoie mori vlerësimin që meritonte për kontributin e saj.
Schofro ndau arritjen e saj edhe në Reddit, ku historia e saj heroike u bë virale me mbi 91,000 reagime. “Ajo është qeni më i ëmbël që mund të ekzistojë, dhe jo vetëm që mund të mbështetem tek ajo për dashuri, por edhe për të mbrojtur ata që e rrethojnë nga çdo rrezik,” tha Schofro për Newsweek.
“Jam jashtëzakonisht i lumtur që ky qen kaq i mrekullueshëm jeton me ne dhe kujdeset për ne dhe për të tjerët,” shtoi ai./Katror.info
Përgatiti:
