Markat luksoze të modës po hyjnë gjithnjë e më shumë në botën e mikpritjes duke hapur kafene dhe restorante.
Nga Dior te Ralph Lauren, këto marka ikonike po e shndërrojnë përvojën e përditshme të ngrënies në eksperienca të kuruara të markës.
Një kafene u lejon klientëve të hyjnë në botën estetike të një marke në një mënyrë të prekshme dhe ndjesore. Nuk je thjesht duke veshur Dior, je duke e pirë atë.
Mundesh me e lexu edhe…
Nga enët deri te menutë, çdo detaj është i ngopur me gjuhën vizuale të markës. Kjo e shndërron një aktivitet të zakonshëm si pirja e kafesë në një moment të denjë për Instagram.
Kjo na çon te një nga aspektet më të fuqishme të këtyre hapësirave: krijimi i përmbajtjes. Kafenetë e modës janë krijuar për Instagram.
Ambientet e tyre janë shpesh fotozhenike qëllimisht, duke tërhequr influencues dhe klientë për të postuar dhe ndarë përvojat e tyre. Çdo foto e një kapuçinoje apo një logoje në shkumë qumështi kthehet në reklamë falas, duke përhapur ndikimin e markës përmes çdo postimi dhe story.
Ajo që e bën këtë strategji veçanërisht efektive është aksesit i lehtë. Ndërsa një çantë dizajneri prej 3,000 paundësh mund të jetë jashtë mundësive për shumicën, një latte me logo për 10 paund nuk është. Këto kafene ofrojnë një mënyrë më të vogël dhe më të arritshme për t’u lidhur me markën.
Ato lejojnë njerëzit të përjetojnë ëndrrën e jetës luksoze, qoftë edhe për një pushim të shkurtër kafeje. Shumica e këtyre kafeneve janë të vendosura strategjikisht pranë ose brenda dyqaneve kryesore, duke i bërë ato pika ideale për shitje të kryqëzuara. Një vizitë rastësore për një kafe mund të çojë në shëtitje në dyqan, e ndoshta edhe në një blerje.
Ralph’s Coffee, e lançuar nga Ralph Lauren në vitin 2014, është shndërruar në një sukses të dukshëm në ndërthurjen e modës luksoze me mikpritjen e stilit të jetesës. Fillimisht një kafene brenda dyqanit Polo Ralph Lauren në New York, ajo tani është zgjeruar në 28 lokacione në 12 vende si Londra, Parisi, Hong Kongu dhe Katari.
Në fund, këto kafene nuk janë thjesht projekte dytësore, me stil, por mjete strategjike për ndërtimin e markës. Ato gjenerojnë zhurmë, krijojnë lidhje emocionale dhe ndihmojnë në konsolidimin e markës jo vetëm si një etiketë, por si një mënyrë jetese. /Katror.info
Përgatiti:
