Presidenti amerikan, Donald Trump ka nënshkruar urdhra ekzekutivë që do të lehtësojnë ndikimin e tarifave mbi prodhuesit amerikanë të makinave.
Kjo ndodh ndërsa presidenti udhëton drejt Michiganit, vendlindja e kompanive Ford, General Motors dhe Stellantis për një tubim që shënon 100 ditët e para në detyrë si president. Industria e automobilave është përfshirë nga pasiguria që kur Trump shpalli muajin e kaluar tarifa prej 25 për qind për makinat dhe pjesët e automjetet, shkruan Top Albania Radio.
Ndryshimet e reja do t’u lejojnë prodhuesve të automobilave që kanë fabrika në SHBA të ulin shumën që paguajnë në taksa importi për pjesët e huaja, duke përdorur një formulë të lidhur me numrin e makinave që shesin dhe çmimin e tyre.
Mundesh me e lexu edhe…
“Ne thjesht donim t’i ndihmonim prodhuesit e makinave të kalonin këtë tranzicion të vogël, afatshkurtër. Nëse nuk mund të sigurojnë pjesët, e dini, ka të bëjë me një përqindje shumë të vogël. Nëse nuk i marrin dot pjesët, nuk donim t’i ndëshkonim”-tha Trump.
Shitjet globale të grupit Volkswagen janë rritur në tremujorin e parë, pasi prodhuesi gjerman i automjeteve ka përfituar nga kërkesa më e lartë për automjetet e tij elektrike. Dërgesat janë rritur me 1,4 për qind në 2,13 milionë automjete, ku një rol të rëndësishëm ka luajtur rritja prej 3 për qind në Evropën Perëndimore dhe 4 për qind në Amerikën e Veriut. Grupi VW ende po mbetet pas në Kinë, ku shitjet e tij kanë rënë me 7 për qind përkundër faktit se prodhuesi i automjeteve ka ende një pjesëmarrje të fortë në tregun e motorëve me djegie të brendshme prej 22 për qind.
Presidenti amerikan Donald Trump ka argumentuar prej kohësh se nga tarifat që ai vendosi për mallrat e importuara do të përfitonin përfundimisht për Shtetet e Bashkuara. Sipas tij, shumica e kompanive do të preferonin t’i prodhonin produktet e tyre në vend në vend që të rrisnin ndjeshëm çmimet.
Ky mund të jetë shembulli i fundit nga Grupi VW, i cili thuhet se është në bisedime me administratën Trump pikërisht për këtë./Katror.info
Përgatiti:
