Në Ditën Ndërkombëtare të Jazz-it, Festivali “Mitrovica International Jazz Days,” ka sjellë në Prishtinë një emër legjendar: Aziza Mustafa Zadeh (Azerbajxhan) – “një ikonë e jazzit botëror, me një stil të pakrahasueshëm që bashkon lindjen dhe perëndimin.”
Dhe ky paralajmërim nga festivali i drejtuar nga Rona Nishliu, u dëshmua në koncertin e së mërkurës mbrëma, ku me performancën e saj, Aziza ka lënë gojëhapur publikun dhe dashamirësit e muzikës jazz.
“Nuk kisha dëgjuar kurrë më parë për këtë artiste të jashtëzakonshme. Por, sonte në koncertin e saj në Prishtinë e shijova në maximum performancën e saj. Nuk kisha parë një grua aq të ndjeshme, sharmante e mishëruar me muzikën jazz me frymë të muzikës burimore azerbajxhanase. Tingujt e pianos dhe zëri i saj thjesht buronin nga ajo me aq lehtësi, thjeshtësi e kompleksitet në të njëjtën kohë. Një mrekulli!, ” ka shkruar profesoresha e muzikës Besa Luzha, e cila po ashtu drejton festivalin Chopin Piano Fest.
Mundesh me e lexu edhe…
E njohur në mbarë botën si Princesha e Jazz-it, Aziza është një artiste pioniere, muzika e së cilës kapërcen kufijtë. Stili i saj i jashtëzakonshëm përzien thellësinë shpirtërore të mugamit azerbajxhanas, lirinë e improvizimit të jazz-it dhe sofistikimin e muzikës klasike perëndimore, duke krijuar një tingull krejtësisht të veçantë dhe origjinal, thuhet në njoftimin e Festivalit.
Fituesja e çmimit prestigjioz Echo Music Prize, dhënë nga Deutsche Phono-Akademie, Aziza është simbol i fuqishëm i përsosmërisë artistike dhe një nga figurat femërore më të rëndësishme në skenën ndërkombëtare të jazz-it. Koncertet e saj janë të njohura për intensitet emocional, shkëlqim teknik dhe shprehje të thellë personale./Katror.info
Përgatiti:
