Shtypi botëror është i mahnitur nga barazimi 3-3 në ‘Montjuic’ mes Barcelonës dhe Interit, teksa çdo ballinë e tyre gjen protagonist të qartë si Lamine Yamal apo Denzel Dumfries.
Barcelona dhe Interi luajtën një nga gjysmëfinalet më të çmendura të Ligës së Kampionëve, pasi pas 90 minutave lojë ndeshja përfundoi me barazim 3-3.
Ky barazim erdhi pas një loje intensive nga të dyja skuadrat, ku përveç golave pati edhe shumë raste, por edhe traversa.
Mundesh me e lexu edhe…
Golat për vendasit u shënuan nga Yamal (24’), Ferran Torres (38’) dhe një autogol i Yann Sommer, teksa për mysafirët shënuan Dumfries (1’, 64’) dhe Marcus Thuram (21’).
Dy nga lojtarët vendimtar të ekipeve, Yamal dhe Dumfries, ishin dy nga protagonistët kryesor që zunë vend të ballinat e thuajse secilit medium botëror, ndërsa ndeshja Barcelona-Inter po cilësohet si “Himn për futbollin”.
Në Spanjë, gazeta Marca, AS, Mundo Deportivo, Sport dhe shumë të tjera ia kushtuan ballinën kësaj ndeshje, teksa njësoj vepruan edhe mediat italiane Gazzetta dello Sport, Corriere Dello Sport dhe Tuttosport.
Përveç mediave vendasve, kjo ndeshje bëri bujë të madhe edhe nga mediat angleze si Daily Mail dhe Sky Sports, franceze si L’Equipe dhe RMC Sport.
Hapësirë këtij takimi i dhanë edhe mediat tjera botërore si ESPN, Ole, Globe Esporte e shumë të tjera. /Katror.info
Përgatiti:
