Agjencia për Informim dhe Privatësi fiton statusin e anëtarit me të drejta të plota në Konferencën Evropiane të Autoriteteve për Mbrojtjen e të Dhënave, e njohur si Konferenca Pranverore
Në sesionin plenar të Konferencës Pranverore 2025 që këtë vit po mbahet në Batumi të Gjeorgjisë, autoritetet pjesëmarrëse votuan pro kërkesës së Agjencisë për anëtarësim me të drejta të plota. Ky status i garanton Agjencisë të drejtën e votës dhe pjesëmarrje të barabartë në forumet vendimmarrëse evropiane për mbrojtjen e të dhënave personale.
Komisionerja për Informim dhe Privatësi, Krenare Sogojeva Dërmaku, shpreh mirënjohje të veçantë për anëtarët e Komitetit Drejtues dhe për të gjitha autoritetet pjesëmarrëse që mbështetën anëtarësimin e Agjencisë, si dhe për Autoritetin e Mbrojtjes së të Dhënave të Gjeorgjisë, organizator i konferencës së sivjetme, duke theksuar se ky vendim thellon bashkëpunimin ndërkombëtar dhe shkëmbimin e praktikave më të mira në fushën e privatësisë, si dhe lehtëson harmonizimin e mëtejshëm të vendit me GDPR‑në dhe Konventën 108+.
Mundesh me e lexu edhe...
Konferenca Pranverore mbledh çdo vit autoritetet e pavarura të mbrojtjes së të dhënave nga vendet e BE‑së, të Këshillit të Evropës dhe juridiksione të tjera evropiane, me qëllim harmonizimin e standardeve, shkëmbimin e përvojave dhe forcimin e bashkëpunimit rregullator. Në përmbyllje të seancave plenare miratohen rezoluta dhe dokumente politike që sigurojnë zbatimin e njëtrajtshëm të legjislacionit për mbrojtjen e të dhënave personale./Katror.info
Përgatiti:
