Një trëndafil i ri është emëruar në nder të Catherine, Princeshës së Uellsit, për të theksuar fuqinë shëruese që ka natyra në mirëqenien mendore, fizike dhe shpirtërore.
Shoqata Mbretërore e Hortikulturës në Mbretërinë e Bashkuar (RHS) ka prezantuar trëndafilin me emrin “Catherine’s Rose“, një floribunda me ngjyrë rozë-korale dhe aromë që përzien erën e delikate të Turkish Delight me mango, shkruan BBC, përcjell Katror.info.
Të gjitha të ardhurat nga shitja e këtij trëndafili do t’i dedikohen Fondacionit të Spitalit Royal Marsden për trajtimin e kancerit – spital ku Princesha Catherine u trajtua për kancer vitin e kaluar. Në janar të këtij viti, ajo bëri një vizitë surprizë në këtë spital, ku falënderoi stafin dhe u dha shpresë pacientëve me fjalët: “Ka gjithmonë dritë në fund të tunelit”.
Mundesh me e lexu edhe…
Trëndafili Catherine’s Rose është krijuar për të lulëzuar në kushte të ndryshme, duke tërhequr edhe polenizuesit. Mund të mbillet si pjesë e një gardhi, në një vazo të madhe apo në një shtretër trëndafilash, me lule që arrijnë deri në 12 cm dhe shfaqen në grupe deri në 15 sosh. Bima mund të rritet deri në 1.2 metra në lartësi.
Sipas Clare Matterson, drejtoreshë e përgjithshme e RHS, kjo iniciativë është një mënyrë për të rikujtuar fuqinë e natyrës dhe kopshtarisë për të ndihmuar në procesin e shërimit dhe mirëqenies.
Trëndafili është krijuar nga kompania Harkness Roses dhe 15,000 bimë do të jenë të disponueshme që nga kjo vjeshtë, me më shumë që do të vijnë vitin e ardhshëm./Katror.info
