Të enjten, kardinali Robert Prevost nga Chicago u zgjodh si papa i parë amerikan ndonjëherë, duke marrë emrin Papa Leo XIV.
Sipas një interviste me vëllain e tij, Johnin, i cili jeton në Illinois, papa i ri e pëlqen shumë të luajë video-lojën “Wordle” të New York Times. Dhe po, ai e ka parë filmin “Konklava” nga viti 2024, i cili fokusohet në një zgjedhje imagjinare të papës.
NBC Chicago bisedoi me vëllain e papës së ri, i cili, siç pritej, ishte i mbushur me emocione. John Prevost tha se kishte biseduar të martën me vëllain, para fillimit të konklavës, dhe e kishte pyetur Robert Prevostin, i cili në atë kohë ishte ende kardinal, nëse e kishte parë filmin në fjalë.
Mundesh me e lexu edhe…
“E kishte mbaruar sapo së pari filmin”, tha John Prevost për NBC Chicago dhe shtoi se “doja t’ia largoja mendjen nga ngjarja reale dhe të qeshnim me diçka, sepse tani ai ka një përgjegjësi të madhe”.
John Prevost shtoi gjithashtu se biseda e tij me vëllain përfshinte edhe video-lojëra si Wordle dhe Words with Friends, dhe se kjo është “diçka që e bëjnë rregullisht”.
Wordle është një lojë online nga New York Times ku lojtarët kanë gjashtë përpjekje për të gjetur një fjalë prej pesë shkronjash. Words with Friends është një tjetër lojë fjalësh, e ngjashme me Scrabble, që lejon lojëra me radhë mes dy miqve./Katror.info
