Sot, më 15 maj, në mbarë botën shënohet Dita Ndërkombëtare e Familjes, një datë e rëndësishme që vë në pah rolin qendror të familjes në shoqëri, shkruan Katror.info.
Kjo ditë u shpall nga Asambleja e Përgjithshme e Kombeve të Bashkuara në vitin 1993, përmes rezolutës A/RES/47/237, dhe që prej atëherë festohet çdo vit për të reflektuar mbi rëndësinë që ka familja në jetën e përditshme të njerëzve dhe në zhvillimin e përgjithshëm të komuniteteve.
Dita Ndërkombëtare e Familjes synon të rrisë ndërgjegjësimin për çështjet që prekin familjet, si dhe për proceset shoqërore, ekonomike dhe demografike që ndikojnë në mirëqenien dhe strukturën e tyre. Kjo ditë është gjithashtu një mundësi për të theksuar nevojën për politika mbështetëse që ndihmojnë në forcimin e familjes si njësia themelore e shoqërisë./Katror.info
