Presidentja e Kosovës, Vjosa Osmani, ka takuar kryeministrin e ri belg, Bart De Wever, me rastin e pjesëmarrjes së saj në samitin e gjashtë të Komunitetit Politik Europian që u mbajt në Tiranë të premten, më 16.05.2025.
Ashtu siç ka takuar edhe figura tjera politike të shteteve europiane, presidentja Osmani ka diskutuar për forcimin e marrëdhënieve mes Kosovës dhe këtyre shteteve.
“Bashkë, diskutuam për forcimin e marrëdhënieve dypalëshe mes dy shteteve tona, mbështetjen e vazhdueshme të Belgjikës për integrimin euroatlantik të Kosovës, situatën e sigurisë në rajon, si dhe nevojën për heqjen e masave të padrejta kundër qytetarëve tanë. Kosova mbetet e përkushtuar për thellimin e partneritetit me Belgjikën” – ka shkruar Osmani në Facebook.
Mundesh me e lexu edhe...
Osmani u takua edhe me kryeministrin e Maltës, Robert Abela, Përfaqësuesen e Lartë të BE-së, Kaja Kallas.
Tirana ishte nikoqire e samitit të gjashtë të Komunitetit Politik Europian, ku liderë, kryetarë shtetesh dhe qeverish nga vendet europiane, së bashku me drejtuesit e institucioneve kryesore europiane dhe ndërkombëtare u mblodhën në sheshin “Skënderbeu” për të diskutuar çështjet më të rëndësishme për kontinentin.
Ngjarja u bashkorganizua nga presidenti i Këshillit Europian, António Costa, dhe kryeministri i Shqipërisë, Edi Rama.
Në këtë samit, ndër më të mëdhenjtë të organizuar ndonjëherë në kryeqytetin shqiptar, Kosova u përfaqësua nga presidentja Vjosa Osmani.
Nën moton “Europa e re në një botë të re: unitet – bashkëpunim – veprim i përbashkët”, samiti synoi të forcojë dialogun dhe bashkëpunimin ndërmjet vendeve europiane për siguri, demokraci dhe zhvillim të qëndrueshëm.
Temat kryesore gjatë samitit ishin: Siguria europiane dhe mbështetja për Ukrainën, forcimi i mbrojtjes dhe demokracisë, rritja e konkurrueshmërisë përmes inovacionit dhe investimeve, sfida të mobilitetit, përfshirë migrimin dhe lëvizjen e të rinjve
Diskutimet u zhvilluan në tri tryeza tematike: sigurimi i Europës dhe forcimi i rezistencës demokratike; një Europë për 600 milionë qytetarë: inovacion dhe siguri ekonomike dhe e treta: Europë e hapur me kufij të sigurt: sfidat e mobilitetit dhe fuqizimi i të rinjve, shkruan Kallxo.com.
Përveç 27 vendeve anëtare të BE-së, në samit morën pjesë edhe vende të Ballkanit Perëndimor, përfshirë Shqipërinë si vend mikpritës, Kosovën, Serbinë, Malin e Zi, Maqedoninë e Veriut dhe Bosnjë-Hercegovinën, si dhe liderë nga Mbretëria e Bashkuar, Ukraina, Turqia dhe shtete të tjera europiane. Të ftuar ishin edhe sekretarët e përgjithshëm të NATO-s, Këshillit të Europës dhe OSBE-së.
Një platformë për Europën e Bashkuar
Komuniteti Politik Europian synon të jetë një hapësirë e përbashkët për dialog dhe koordinim, pa zëvendësuar strukturat ekzistuese, por duke ofruar një format fleksibël për bashkëpunim për çështjet më urgjente të kontinentit.
Ky është samiti i gjashtë që nga krijimi i platformës. Samitet e mëparshme janë mbajtur në Çeki, Moldavi, Spanjë, Mbretërinë e Bashkuar dhe Hungari, me temat që kanë përfshirë luftën në Ukrainë, sigurinë energjetike, migrimin dhe mbrojtjen e demokracisë.
Samiti në Tiranë konsiderohet si një moment kyç për të forcuar unitetin europian përballë sfidave të reja gjeopolitike dhe ekonomike.
Në këtë Samit, ndër më të mëdhenjtë të organizuar ndonjëherë në kryeqytetin shqiptar, Kosova u përfaqësua në nivel presidencial, nga presidentja e Kosovës, Vjosa Osmani.
Nën moton “Europa e re në një botë të re: unitet – bashkëpunim – veprim i përbashkët”, samiti synon të forcojë dialogun dhe bashkëpunimin ndërmjet vendeve evropiane për siguri, demokraci dhe zhvillim të qëndrueshëm.
Në këtë takim të nivelit të lartë, sipas njoftimit të Këshilllit Europian, Bashkimi Europian u përfaqësua edhe nga presidentja e Komisionit Europian, Ursula von der Leyen, dhe Përfaqësuesja e Lartë për Punë të Jashtme, Kaja Kallas.
Ky është samiti i gjashtë që nga krijimi i platformës. Samitet e mëparshme janë mbajtur në Çeki, Moldavi, Spanjë, Mbretërinë e Bashkuar dhe Hungari, me temat që kanë përfshirë luftën në Ukrainë, sigurinë energjetike, migrimin dhe mbrojtjen e demokracisë.
Samiti në Tiranë konsiderohet si një moment kyç për të forcuar unitetin europian përballë sfidave të reja gjeopolitike dhe ekonomike. /Katror.info
Përgatiti:
