Me aktivitetin simbolik të “Shigjetarisë Tradicionale”, është hapur zyrtarisht ngjarja “Ditët e Historisë”, e organizuar nga Departamenti i Historisë në Fakultetin Filozofik të Universitetit të Prishtinës.
Gjatë ceremonisë hapëse u theksua se mësimi i historisë nuk është vetëm çështje njohurish, por edhe përgjegjësi e shoqërisë dhe shtetit.
Rektor i Universitetit të Prishtinës, Arben Hajrullahu tha Departamenti i Historisë është më i vjetër se vetë Universiteti i Prishtinës. “Departamenti i Historisë është më i vjetër se vetë Universiteti i Prishtinës, dhe për këtë jemi krenarë. Kjo rrit edhe përgjegjësinë tonë. Nëse nuk e dimë historinë, nuk mund ta kuptojmë të tashmen dhe as të ardhmen”, theksoi ai.
Mundesh me e lexu edhe…
Shef i Departamentit të Historisë, Mentor Hasani tha se ka përmes Departamentit të Historisë kanë kaluar figura të shquara që kanë dhënë kontribut të çmuar për vendin.
“Ky aktivitet shënon jo vetëm një risi, por edhe një rikthim te rrënjët tona historike. Departamenti ynë, që nga viti 1960, ka nxjerrë shumë intelektualë që kanë kontribuar në fusha të ndryshme të jetës. Historia na ndihmon të kuptojmë vetveten dhe të tjerët, si dhe të ndërveprojmë më mirë në të ardhmen. Presim që ky departament të forcohet edhe më shumë në vitet që vijnë”, u shpreh Hasani.
Në shenjë nderimi për kontributin e dëshmorit Rrustem Hyseni, çdo vit ndahet Çmimi “Rrustem Hyseni” për studentët më të dalluar të këtij departament, i cili u nda studentit të ndjerë Arbër Ibrahimi./Katror.info
