Sot ka nisur dita e dytë e garës ndërkombëtare të pingpongut WTT Feeder Prishtina 2025, e cila po zhvillohet në Pallatin e Rinisë dhe Sporteve dhe do të zgjasë deri më 7 qershor.
Që në orët e para të mëngjesit, nga ora 07:00, sportistët pjesëmarrës kanë filluar me seancat stërvitore, duke u përgatitur intensivisht për sfidat e ditës. Ndeshjet zyrtare do të nisin nga ora 10:00, ku publiku do të ketë mundësinë të ndjekë përballje emocionuese në kategoritë çifte mikse, çifte, si dhe individuale meshkuj.
Ky turne ka sjellë në Prishtinë disa nga emrat më të njohur të pingpongut nga mbarë bota, duke ofruar një spektakël sportiv të nivelit të lartë për dashamirët e këtij sporti.
Hyrja për publikun është e lirë, duke i dhënë mundësinë të gjithëve të përjetojnë nga afër emocionet e një eventi me përmasa ndërkombëtare, që po zhvillohet në zemër të kryeqytetit.
WTT Feeder Prishtina 2025 po konfirmon edhe një herë se Kosova është e gatshme të mirëpresë ngjarje sportive të klasit botëror./Katror.info
