Në një intervistë për Katror Media, udhëheqësi i klubit PRiPing, Kastriot Orana, konfirmon se gjithçka është gati për edicionin e tretë të turneut ndërkombëtar Prishtina Open, ku këtë vit marrin pjesë 275 lojtarë nga 25 shtete.
Intervista e plotë
Katror Media: A jemi gati për edicionin e tretë të super eventit Prishtina Open?
Mundesh me e lexu edhe...
Kastriot Orana: Po, jemi më shumë se gati! Pas javësh përgatitje intensive, me bashkëpunëtorë të klubit e më gjerë, Prishtina Open është gati të mirëpresë botën e pingpongut për të tretin vit radhazi në kryeqytet. Atmosfera këtë vit do të jetë edhe më e zjartë dhe mezi presim që garat të nisin!
Katror Media: Sa lojtarë e nga sa shtete marrin pjesë këtë vit?
Kastriot Orana: Sivjet kemi arritur një rekord të ri të shteteve pjesëmarrëse, ku 275 lojtarë nga 25 shtete të ndryshme të botës, të shoqëruar nga afro 60 trajnerë dhe staf përcjellës.
Ky numer i madh i pjesëmarrjes në një turne relativisht të ri është një tregues që Prishtina Open së shpejti do të jetë një nga turnetë më atraktive të pingpongut në skenën ndërkombëtare.
Katror Media: A presim lojë e aktivitete atraktive për publikun këtë vit?
Kastriot Orana: Po, gjithqysh! Përveç ndeshjeve të nivelit të lartë, kemi planifikuar edhe disa aktivitete atraktive për publikun, si përjetimi i VR Table Tennis për fëmijë, lojëra shpërblyese me iphone 16 për spektatorët të ofruar nga Zone Mobile, dhurata të ndryshme nga IPKO për të afruar të rinjtë me këtë sport. Do të jetë një festë e vërtetë pingpongu gjatë kësaj fundjave!
Katror Media: Kastriot, si po ja del me bo këtë ngjarje madhore çdo vit, cili është çelësi i suksesit të Prishtina Open?
Kastriot Orana: Çelësi i çdo suksesi është fillimisht dashuria ndaj asaj që bën andaj pasioni, përkushtimi dhe besimi se mundemi me bo diçka spektakolare, na lehtëson rrugetimin drejt suksesit.
Vitin e kaluar Prishtina Open 2024 është përzgjedhur si aktiviteti me atraktiv sportiv i vitit nga Komuna e Prishtinës, kjo na shtyn që çdo vit të sjellim risi në organizim.
Prishtina Open nuk është vetëm një turne pingpongu, por është një projekt afatgjatë që synon ta vendosë Kosovën në hartën botërore të pingpongut.
Katror Media: Kjo ngjarje e pingpongut a i ndihmon përgatitjeve për Organizimin e Lojërave Mesdhetare Prishtina 2030?
Kastriot Orana: Pa dyshim. Përvoja e organizimit të një eventi ndërkombëtar si Prishtina Open apo si WTT Youth dhe Feeder të organizuar javen e kaluar nga FPPK dëshmojnë se sporti i pingpongut nuk e ka problem për organizmin e Lojërave Mesdhetare Prishtina 2030
Ne permes POTTIT japim një kontribut në rritjen e kapaciteteve organizative për LM 2030.
Katror Media: Këtë vit kush janë përkrahësit e Prishtina Open?
Kastriot Orana: Jemi me fat që kemi përkrahjen e partnerëve si atyre komunal, bizneseve por edhe mediave.
IPKO dhe NLB Banka i kemi sponzor kryesor, partnerin kryesor që nga themelimi i klubit është Departamenti i sportit në Prishtinë ndersa media si ju, Katror Media, Glam Radio, RTK, telegrafi e te tjetë pa dyshim ndihmojnë në promovimin e Turneut Prshtina Open 2025.
Pa ta, realizimi i këtij eventi në këtë nivel nuk do të ishte i mundur. Falënderoj gjithashtu edhe familjen për përkrahjen e parezerve si dhe të gjithë sponsorët dhe mbështetësit që besojnë në fuqinë e sportit për të sjellë ndryshim pozitiv si në imazhin e Kosovës ashtu edhe në turizmin sportiv./Katror.info
