Nisma e Papa Françeskut të ndjerë për ta shndërruar Vatikanin në një komb me energji të rinovueshme është realizuar. Vendi më i vogël në botë tani raportohet se të gjithë energjinë elektrike e merr nga dielli, shkruan PositiveNews, përcjell Katror.info.
Në vitin 2024, Papa Françesku urdhëroi një riorganizim thelbësor të infrastrukturës energjetike të shtetit, çka çoi në ndërtimin e një kompleksi të madh agrivoltaik pikërisht jashtë Romës, në tokën në pronësi të Vatikanit. Ky impiant inovativ kombinon prodhimin e energjisë diellore me bujqësinë.
Objekti tashmë është funksional dhe, sipas raporteve të mediave lokale, po plotëson plotësisht nevojat për energji elektrike të Vatikanit.
Mundesh me e lexu edhe…
Nëse ky trend vazhdon, Vatikani do t’i bashkohet një liste në rritje të kombeve që funksionojnë me 100% energji të rinovueshme.
Një raport nga Universiteti Stanford në SHBA zbuloi se aktualisht gjashtë vende furnizohen ekskluzivisht nga burimet e rinovueshme: Shqipëria, Butani, Republika e Afrikës Qendrore, Lesoto, Nepali dhe Islanda./Katror.info
