Në kuadër të vizitës së saj zyrtare në Hungari, presidentja e Republikës së Kosovës, Vjosa Osmani, është pritur në një takim nga Kryetari i Parlamentit të Hungarisë, z. László Kövér, shkruan Katror.info.
Në këtë takim, të mbajtur në kryeqytetin hungarez, u diskutua për zgjerimin e bashkëpunimit ndërshtetëror dhe fuqizimin e marrëdhënieve mes dy vendeve. Presidentja Osmani theksoi se Kosova mbetet e përkushtuar në hapjen e kapitujve të rinj të bashkëpunimit me Hungarinë, duke e konsideruar këtë si një hap të rëndësishëm për të dyja shtetet dhe për qytetarët e tyre.
“Diskutuam për rëndësinë e bashkëpunimit ndërshtetëror në përfitim të qytetarëve të të dyja vendeve. Kosova është e vendosur që të çelë kapituj të ri të bashkëpunimit me Hungarinë dhe, në të njëjtën kohë, t’i ruajë raportet historike dhe t’i fuqizojë lidhjet në mes popujve tanë,” ka deklaruar presidentja Osmani në një postim në Facebook pas takimit.
Mundesh me e lexu edhe…
Vizita e presidentes Osmani në Hungari është pjesë e përpjekjeve për forcimin e lidhjeve bilaterale dhe thellimin e marrëdhënieve ndërinstitucionale mes Kosovës dhe vendeve partnere të Bashkimit Evropian./Katror.info
