Dita Ndërkombëtare e Olimpiadës festohet çdo vit më 23 qershor, duke nderuar trashëgiminë dhe vlerat e Lojërave Olimpike, ngjarja më e madhe sportive ndërkombëtare që mbahet çdo katër vjet. Kjo ditë u themelua zyrtarisht në vitin 1948, për të nxitur pjesëmarrjen në sport dhe për të promovuar frymën olimpike tek të rinjtë e botës.
Origjina e Lojërave Olimpike i përket Greqisë antike, ku gara e parë u zhvillua në Olympia në vitin 776 para Krishtit, duke vazhduar për rreth 12 shekuj. Olimpiada moderne nisi në Athinë më 1896, duke ringjallur këtë traditë mijëvjeçare.
Dita e Olimpiadës ka tre shtylla kryesore: Lëviz (Move), Mëso (Learn), dhe Zbulo (Detect). Komitetet Olimpike Kombëtare organizojnë aktivitete të ndryshme si gara sportive, seminare edukative, ekspozita dhe ngjarje muzikore, të cilat synojnë të përfshijnë njerëz nga të gjitha moshat, gjinjtë dhe sfondet shoqërore.
Mundesh me e lexu edhe...
Në histori, janë shtuar elementë të rëndësishëm si betimi olimpik në vitin 1920 dhe ndezja e flakës olimpike që nisi në Amsterdam në 1928. Këto tradita vazhdojnë të forcojnë identitetin e Lojërave Olimpike dhe të lidhin komunitetin global në një festë të përbashkët të sportit, miqësisë dhe respektit./UrbanFM/Katror.info
